ഇന്ത്യയെ തകർത്ത ബിയേ‍ഡ്മാൻ ഓസീസ് ടീമിൽ, ഇംഗ്ലണ്ടിനെതിരായ ഏകദിന പരമ്പര കളിക്കും

മെൽബൺ ∙ ഇംഗ്ലണ്ടിനെതിരായ ഏകദിന പരമ്പരയ്ക്കുള്ള ഓസ്ട്രേലിയൻ ടീമിൽ പത്തൊൻപതുകാരൻ പേസ് ബോളർ മാലി ബിയേഡ്മാനും. സീനിയർ ടീമിനായി ഒരു മത്സരം മാത്രം കളിച്ചിട്ടുള്ള ബിയേഡ്മാനെ സ്റ്റാൻഡ് ബൈ താരമായാണ് ടീമിൽ ഉൾപ്പെടുത്തിയത്.

ഇന്ത്യയ്ക്കെതിരെ കഴിഞ്ഞ അണ്ടർ 19 ലോകകപ്പ് ഫൈനലിൽ പ്ലെയർ ഓഫ് ദ് മാച്ച് ആയ താരമാണ് ബിയേഡ്മാൻ.15 റൺസ് മാത്രം വഴങ്ങി 3 വിക്കറ്റ് വീഴ്ത്തിയ ബിയേഡ്മാന്റെ മികവിൽ 79 റൺസിനായിരുന്നു ഓസ്ട്രേലിയയുടെ ജയം. പാറ്റ് കമിൻസ് ഉൾപ്പെടെയുള്ള  പേസർമാർ ഇംഗ്ലണ്ട് പരമ്പരയിൽനിന്നു വിട്ടുനിൽക്കുന്നതിനാലാണ് ഓസ്ട്രേലിയ ബിയേഡ്മാനെ പരിഗണിച്ചത്.