വനിത ട്വന്റി20 ലോകകപ്പ്: അംപയർ പാനലിൽ 2 ഇന്ത്യക്കാർ

ദുബായ്∙ യുഎഇയിൽ ഒക്ടോബർ മൂന്നിന് ആരംഭിക്കുന്ന വനിതാ ട്വന്റി20 ലോകകപ്പ് മത്സരങ്ങൾ നിയന്ത്രിക്കാൻ ഇന്ത്യക്കാരും. മാച്ച് റഫറിയായി ജി.എസ്.ലക്ഷ്മിയും അംപയറായി വൃന്ദ രതിയുമാണ് ഐസിസിയുടെ  13 അംഗ പാനലിൽ ഇടം പിടിച്ചത്. 2023ൽ ദക്ഷിണാഫ്രിക്കയിൽ‌ നടന്ന ലോകകപ്പിലും ഇവർ മത്സരങ്ങൾ നിയന്ത്രിച്ചിരുന്നു. 

3 മാച്ച് റഫറിമാരും 10 അംപയർമാരുമാണ് ഇത്തവണത്തെ ലോകകപ്പിനുള്ളത്. രാജ്യാന്തര ക്രിക്കറ്റ് കൗൺസിലിന്റെ മാച്ച് റഫറി പാനലി‍ൽ ഇടംപിടിച്ച ആദ്യ വനിതയാണ് ലക്ഷ്മി.