സ്റ്റോയ്നിസ് വെടിക്കെട്ട്; പാക്കിസ്ഥാനെതിരായ ട്വന്റി20 പരമ്പര തൂത്തുവാരി ഓസീസ്

ഹൊബാർട്ട് ∙ മാർക്കസ് സ്റ്റോയ്നിസിന്റെ വെടിക്കെട്ട് ഇന്നിങ്സിന്റെ (27 പന്തിൽ 61*) മികവിൽ പാക്കിസ്ഥാനെതിരെ മൂന്നാം ട്വന്റി20യിൽ ഓസ്ട്രേലിയയ്ക്ക് 7 വിക്കറ്റ് ജയം. സ്കോർ: പാക്കിസ്ഥാൻ– 18.1 ഓവറിൽ 117നു പുറത്ത്. ഓസ്ട്രേലിയ– 11.2 ഓവറിൽ 3ന് 118.

പരമ്പര ഇതോടെ ഓസീസ് 3–0നു തൂത്തുവാരി. നേരത്തേ ഏകദിന പരമ്പര പാക്കിസ്ഥാൻ 2–1നു നേടിയിരുന്നു. നാലാമനായി ബാറ്റിങ്ങിനിറങ്ങിയ സ്റ്റോയ്നിസ് 5 ഫോറും 5 സിക്സും സഹിതമാണ് അർധ സെഞ്ചറി പിന്നിട്ടത്.