ഇന്ത്യ, ഓസ്ട്രേലിയ, ഇംഗ്ലണ്ട് ടീമുകൾക്കു കൂടുതൽ മത്സരം, ദ്വിതല ടെസ്റ്റ് സംവിധാനത്തെ വിമർശിച്ച് ക്ലൈവ് ലോയ്ഡ്

ഗയാന (വെസ്റ്റിൻഡീസ്) ∙ ഇന്ത്യ, ഓസ്ട്രേലിയ, ഇംഗ്ലണ്ട് എന്നിവർക്കിടയിൽ കൂടുതൽ മത്സരങ്ങൾ വരുന്ന രീതിയിൽ രാജ്യാന്തര ക്രിക്കറ്റ് കൗൺസിൽ (ഐസിസി) നടപ്പാക്കാൻ ഉദ്ദേശിക്കുന്ന ദ്വിതല ടെസ്റ്റ് സംവിധാനത്തെ രൂക്ഷമായി വിമർശിച്ച് മുൻ വെസ്റ്റിൻഡീസ് ക്യാപ്റ്റൻ ക്ലൈവ് ലോയ്ഡ്. സമീപകാലത്ത് പ്രകടനം മോശമായ വെസ്റ്റിൻഡീസ് ഉൾപ്പെടെയുള്ള ടീമുകൾക്കും പുതുതായി ടെസ്റ്റ് പദവി നേടിയെടുത്ത ടീമുകൾക്കും പ്രകടനം മെച്ചപ്പെടുത്താനുള്ള അവസരം ഇല്ലാതാക്കുന്നതാണ് പുതിയ സംവിധാനമെന്ന് ലോയ്ഡ് പറഞ്ഞു. ഐസിസി ചെയർമാനായി ജയ് ഷാ ഈയിടെ സ്ഥാനമേറ്റെടുത്തതിനു പിന്നാലെയാണ് ടെസ്റ്റ് രാജ്യങ്ങളെ പ്രകടനത്തിന്റെ അടിസ്ഥാനത്തിൽ രണ്ടു തട്ടായി തിരിച്ചുള്ള സംവിധാനം ചർച്ചയായത്.