സമനിലക്കുരുക്ക്; നോർത്ത് ഈസ്റ്റ് – 1 എടികെ ബഗാൻ – 1
Mail This Article
×
പനജി ∙ ഐഎസ്എൽ ഫുട്ബോളിൽ 2–ാം സെമിയുടെ ആദ്യപാദവും സമനിലയിൽ. നോർത്ത് ഈസ്റ്റ് യുണൈറ്റഡ് – എടികെ മോഹൻ ബഗാൻ പോരാട്ടത്തിന്റെ ആദ്യപാദമാണ് 1–1 സമനിലയിൽ കലാശിച്ചത്. ഡേവിഡ് വില്യംസിലൂടെ (34’) മുന്നിലെത്തിയ ബഗാനെ പകരക്കാരൻ ഇദ്രിസ സില്ലയുടെ ഇൻജറി ടൈം (90+4) ഹെഡർ ഗോളിലാണു നോർത്ത് ഈസ്റ്റുകാർ സമനിലയിൽ കുരുക്കിയത്. 2–ാം പാദം 9നു നടക്കും.
കഴിഞ്ഞ ദിവസം മുംബൈ – ഗോവ ഒന്നാം സെമിയുടെ ആദ്യപാദവും സമനിലയിലാണ് അവസാനിച്ചത്.
ഖാലിദ് ജമീൽ പരിശീലകനായി ചുമതലയേറ്റെടുത്തശേഷം തോൽവി വഴങ്ങിയിട്ടില്ലാത്ത നോർത്ത് ഈസ്റ്റ് സെമി ആദ്യപാദത്തിലും ആ റെക്കോർഡ് കൈവിട്ടില്ല. റോയ് കൃഷ്ണയുടെ പാസി‍ൽനിന്നാണു ഡേവിഡ് വില്യംസ് ബഗാനെ മുന്നിലെത്തിച്ചത്. കളി തീരാൻ മിനിറ്റുകൾ മാത്രം ബാക്കി നിൽക്കെയാണു സില്ലയിലൂടെ നോർത്ത് ഈസ്റ്റ് സമനില പിടിച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
