നാൽപതിലും സ്ലാറ്റൻ സ്റ്റാറാ; എസി മിലാനുമായുള്ള കരാർ ഒരു വർഷത്തേക്ക് നീട്ടി!

മിലാൻ ∙ ഒക്ടോബറിൽ 40 വയസ്സു തികയുന്ന സ്ലാറ്റൻ ഇബ്രാഹിമോവിച്ച് എസി മിലാനുമായി ഒരു വർഷത്തേക്കുകൂടി കരാർ പുതുക്കി. ഒരു സീസണ് 70 ലക്ഷം യൂറോ ( ഏകദേശം 63 കോടി രൂപ) പ്രതിഫലക്കരാറിൽ ഇറ്റാലിയൻ ക്ലബ്ബി‍ൽ തുടരുന്ന സ്വീഡിഷ് താരത്തിന്റെ പുതുക്കിയ കരാർ തുക എത്രയെന്നു വെളിപ്പെടുത്തിയിട്ടില്ല.

എസി മിലാൻ ജഴ്സിയിൽ തകർപ്പൻ പ്രകടനം തുടരുന്ന ഇബ്ര, അടുത്ത സീസണിൽ മിലാനെ ചാംപ്യൻസ് ലീഗിലും എത്തിക്കുമെന്നാണ് ആരാധകപ്രതീക്ഷ. മിലാൻ അടുത്ത സീസൺ ചാംപ്യൻസ് ലീഗിലെത്തിയാൽ, ഇബ്രയ്ക്കും അതു യൂറോപ്യൻ വേദിയിലേക്കുള്ള ഗംഭീര തിരിച്ചുവരവാകും.

Content Highlights: Zlatan Ibrahimovic signs new one-year Milan deal