ഹാലൻഡിന് വിടപറയും ‘നേരം’; സഹതാരങ്ങൾക്കു നൽകിയത് 12 ലക്ഷം വീതം വിലയുള്ള വാച്ച്!

ബർലിൻ ∙ വിടപറയാൻ ‘നേരമായി’ എന്ന് കൂട്ടുകാരെ ഓർമിച്ച് ബൊറൂസിയ ഡോർട്ട്മുണ്ട് താരം എർലിങ് ഹാലൻഡ്. വരും സീസണിൽ ഇംഗ്ലിഷ് ക്ലബ് മാഞ്ചസ്റ്റർ സിറ്റിയിലേക്കു പോകുന്ന ഇരുപത്തൊന്നുകാരൻ ജർമൻ ക്ലബ്ബിലെ സഹതാരങ്ങൾക്കും സ്റ്റാഫിനും വിലപിടിപ്പുള്ള വാച്ചുകൾ സമ്മാനമായി നൽകിയെന്നാണ് റിപ്പോർട്ടുകൾ.

15,000 യൂറോ (ഏകദേശം 12 ലക്ഷം രൂപ) വില വരുന്ന വാച്ചുകളാണ് ടീമിലെ 33 സഹതാരങ്ങൾക്കും നോർവേ താരം നൽകിയത്. ഇതിന്റെ പകുതി വിലവരുന്ന വാച്ചുകൾ ടീം സപ്പോർട്ടിങ് സ്റ്റാഫിനും നൽകിയെന്ന് ജർമൻ മാധ്യമങ്ങൾ റിപ്പോർട്ട് ചെയ്തു. 30 കോടി യൂറോയ്ക്കാണ് (ഏകദേശം 2462 കോടി രൂപ) ഡോർട്ട്മുണ്ടിൽ നിന്ന് സിറ്റിയിലേക്കുള്ള ഹാലൻഡിന്റെ കൂടുമാറ്റം ധാരണയായത്. 

English Summary: Erling Haaland gifts team mates watches