ഗോളടിച്ച് മോയ്സ് കീന്‍;ഇറ്റാലിയൻ സീരി എയിൽ യുവന്റസിന് വിജയം

മിലാൻ ∙ ഇറ്റാലിയൻ സീരി എയിൽ മോയ്സ് കീനിന്റെ ഗോളിൽ യുവന്റസിന് വിജയം. ലീഗിൽ പിന്നിൽ നിൽക്കുന്ന ഹെല്ലാസ് വെറോണയെയാണ് യുവെ 1–0ന് തോൽപിച്ചത്. ലീഗിൽ ടൂറിൻ ക്ലബ്ബിന്റെ തുടർച്ചയായ അഞ്ചാം വിജയമാണിത്.

28 പോയിന്റുമായി ലീഗിൽ നാലാം സ്ഥാനത്താണിപ്പോൾ യുവെ. 38 പോയിന്റുമായി നാപ്പോളിയാണ് ഒന്നാമത്. ലോകകപ്പ് ബ്രേക്കിനു മുന്നോടിയായി നാളെ യുവന്റസ് ലാസിയോയുമായി ഏറ്റുമുട്ടും. ഇന്നലെ ലാസിയോ 1–0ന് മോൺസയെ തോൽപ്പിച്ചു.പതിനേഴുകാരൻ റൊമേരോയാണ് ഗോൾ നേടിയത്.

English Summary: Serie A: Kean strike gives unconvincing Juventus win at Verona