മെസ്സിക്ക് ആക്രമിച്ച് കളിക്കാനാകില്ലെന്ന് വാൻഗാൾ; കൈകൾ ചെവിയോടു ചേർത്ത് മറുപടി

ദോഹ∙ ക്വാർട്ടർ ഫൈനലിൽ നെതർലൻഡ്സിനെതിരെ രണ്ടാംഗോൾ നേടിയശേഷം ലയണൽ‌ മെസ്സി തന്റെ പതിവ് ഗോളാഘോഷങ്ങൾക്ക് മുതിർന്നില്ല. പകരം നെതർലൻഡ്സ് ഡഗ്ഔട്ടിനടുത്തേക്ക് ഓടിയെത്തി.  ഇരു കൈകളും ചെവിയോട് ചേർത്തുപിടിച്ച് നെതർലൻഡ്സ് പരിശീലകൻ ലൂയി വാൻഗാളിനെ നോക്കി നിന്നു; ഇനിയെന്തെങ്കിലും പറയാനുണ്ടോ എന്ന മട്ടിലൊരു നിൽപ്പ്.

മത്സരത്തിനുമുൻ‌പ് വാൻഗാൾ തനിക്കെതിരെ നടത്തിയ പ്രതികരണത്തിന്റെ മറുപടിയായിരുന്നു മെസ്സിയുടെ വിചിത്രമായ ആഘോഷം. മെസ്സിക്കു ആക്രമിച്ചു കളിക്കാൻ കഴിയില്ലെന്നും ഫലത്തിൽ അർജന്റീന 10 പേരുമായാണ് തങ്ങൾക്കെതിരെ കളിക്കാൻ പോകുന്നതെന്നുമായിരുന്നു മത്സരത്തിനു മുൻപുള്ള വാൻഗാളിന്റെ പരാമർശം.

English Summary : Messi best Goal celebration reply to Vaan Gaal's comments