ആഫ്രിക്കയിലെ യുദ്ധം നിർത്തിച്ചു; അമേരിക്കയും കീഴടക്കി: ‘ ഇനി ചാംപ്യനായി മരിക്കാം’

‘‘ആഫ്രിക്ക കണ്ട ഏറ്റവും ദുരന്തപൂർണമായ ആഭ്യന്തര യുദ്ധം അവസാനിപ്പിക്കാൻ അധികൃതർ 2 വർഷം പഠിച്ച പണി പതിനെട്ടും നോക്കിയിട്ടും നടന്നില്ല. പക്ഷേ, ഫുട്ബോൾ ഇതിഹാസം പെലെയുടെ വരവോടെ യുദ്ധത്തിനു 3 ദിവസത്തെ വെടിനിർത്തൽ പ്രഖ്യാപിക്കാനായി’’– 2005ൽ ടൈം മാസികയിൽ അച്ചടിച്ചുവന്ന ലേഖനത്തിൽ യുദ്ധത്തിലെ പെലെയുടെ ഇടപെടലിനെക്കുറിച്ചു പറയുന്നത് ഇങ്ങനെ. എന്നാൽ തന്റെ ആത്മകഥയായ ‘പെലെ ദ് ഓട്ടോബയോഗ്രഫി’യിൽ സംഭവത്തെക്കുറിച്ചുള്ള പരാമർശം പെലെ ഒറ്റ വാക്യത്തിലൊതുക്കി– ‘ മത്സരം നടക്കുമ്പോൾ ബിയാഫ്ര വിഭാഗത്തിൽപ്പെട്ടവർ ഗ്രൗണ്ടിലേക്കു കടക്കില്ലെന്ന് അധികൃതർ ഉറപ്പുവരുത്തി.’