ഉത്തേജക വാർത്ത വിശ്വസിക്കാൻ കഴിഞ്ഞില്ല, കഴിച്ചത് കഫ് സിറപ്പും മരുന്നും മാത്രം: വിഘ്നേഷ്

തൃശൂർ ∙ ഉത്തേജക പരിശോധനയിൽ പോസിറ്റീവായെന്ന വാർത്ത വിശ്വസിക്കാൻ കഴിഞ്ഞില്ലെന്ന് എം. വിഘ്നേഷ്. ‘‘പനിക്കുള്ള സിറപ്പും മരുന്നും മാത്രമാണ് ദേശീയ ഗെയിംസിന്റെ സമയത്ത് കഴിച്ചത്. നേരത്തേ മൂക്കിന് ഒരു ശസ്ത്രക്രിയ നടത്തിയിരുന്നു. അതിനാൽ ഇടയ്ക്കിടെ അലർജി അനുഭവപ്പെടാറുണ്ട്. ഡോക്ടറുടെ നിർദേശപ്രകാരമാണ് അന്നു ചുമയ്ക്കുള്ള മരുന്നു കഴിച്ചത്. 

ചുമമരുന്നിൽ ‘ഉത്തേജക സാന്നിധ്യം’ ഉണ്ടാകുമെന്നു കരുതിയില്ല. ഇനി എല്ലാം ദൈവനിശ്ചയം. ടീമിനൊപ്പം ഉണ്ടാകും– വിഘ്നേഷ് ‘മനോരമ’യോടു പറഞ്ഞു.

English Summary: Consumed only cough syrup and medicine: Vignesh