സ്‌ലാറ്റൻ ടു സ്വീഡൻ @ 41

സ്റ്റോക്കോം∙ യൂറോ കപ്പ് യോഗ്യതാ മത്സരങ്ങൾക്കുള്ള സ്വീഡൻ ഫുട്ബോൾ ടീമിൽ 41–ാം വയസ്സിൽ ഇടംപിടിച്ച് സൂപ്പർതാരം സ്‌ലാറ്റൻ ഇബ്രാഹിമോവിച്ച്. പരുക്കേറ്റ് 14 മാസത്തെ വിശ്രമത്തിനു ശേഷമുള്ള തിരിച്ചുവരവിലാണ് ഇബ്രയുടെ നേട്ടം. 121 മത്സരങ്ങളിലായി 62 ഗോൾ നേടിയ ഇബ്ര രാജ്യാന്തര ഫുട്ബോളിൽ സ്വീഡന്റെ ടോപ്സ്കോററാണ്. കഴിഞ്ഞ ആഴ്ച ഇറ്റാലിയൻ സീരി എ ഫുട്ബോളിലെ പ്രായം കൂടിയ ഗോൾസ്കോറർ എന്ന റെക്കോർഡ് സ്വന്തമാക്കിയിരുന്നു. ഉഡിനെസയ്ക്കെതിരായ ലീഗ് മത്സരത്തിലാണ് 41 വർഷവും 166 ദിവസവും പ്രായമുള്ള എസി മിലാൻ താരം ഇബ്രാഹിമോവിച്ച് ഗോൾ നേടിയത്. 2007ൽ എസി മിലാൻ താരം അലസാന്ദ്രോ കോസ്തകൂർത്ത 41 വർഷം 25 ദിവസം പ്രായമുള്ളപ്പോൾ ഗോൾ നേടിയിരുന്നു. 

English Summary: Zlatan to Sweden @ 41