അണ്ടർ 16 സാഫ് കപ്പ്: ഇന്ത്യ ജേതാക്കൾ

തിംപു (ഭൂട്ടാൻ) ∙ ബംഗ്ലദേശിനെ 2–0ന് തോൽപിച്ച് ഇന്ത്യ സാഫ് അണ്ടർ 16 ഫുട്ബോൾ ചാംപ്യന്മാരായി. ഭാരത് ലായ്‌റെൻജം (8–ാം മിനിറ്റ്), ലെവിസ് സാങ്‌മിൻലുയൻ (74) എന്നിവരാണ് ഇന്ത്യയ്ക്കായി ഗോളുകൾ നേടിയത്. പരിശീലകൻ ഇഷ്ഫാഖ് അഹമ്മദിനു കീഴിൽ മികച്ച പ്രകടനമാണ് ടൂർണമെന്റിൽ ഇന്ത്യ നടത്തിയത്. ഗ്രൂപ്പ് എയിൽ ബംഗ്ലദേശിനെയും നേപ്പാളിനെയും കീഴടക്കിയ ഇന്ത്യ സെമിയിൽ മാലദ്വീപിനെ 8–0ന് മുക്കിയാണു ഫൈനലിലെത്തിയത്. ടൂർണമെന്റിൽ ഒരു ഗോൾ പോലും വഴങ്ങാതെയാണ് ഇന്ത്യയുടെ കിരീടവിജയം.

English Summary: India emerge SAFF U16 champions by beating Bangladesh in final