റയലിനെ വീഴ്ത്തി അത്‌ലറ്റിക്കോ

മഡ്രിഡ് ∙ സ്പാനിഷ് ലീഗ് ഫുട്ബോളിലെ മഡ്രിഡ് ഡാർബിയിൽ അത്‌ലറ്റിക്കോ മഡ്രിഡിന് തകർപ്പൻ വിജയം; ഈ സീസണിൽ ലീഗ് കിരീടമെന്ന ലക്ഷ്യത്തോടെ തോൽവി അറിയാതെ കുതിക്കുകയായിരുന്ന റയൽ മഡ്രിഡിനെ 3–1നാണ് അയൽക്കാർ തോൽപിച്ചത്. അൽവാരോ മൊറാട്ട (2 ഗോൾ), അന്റോയ്ൻ ഗ്രീസ്മാൻ എന്നിവരാണ് അത്‌ലറ്റിക്കോയുടെ ഗോളുകൾ നേടിയത്. ടോണി ക്രൂസ് റയലിന്റെ ഏകഗോൾ മടക്കി. ഈ സീസണിൽ തുടർച്ചയായ 6 ജയങ്ങൾക്കു ശേഷമാണ് റയലിന്റെ തോൽവി. റയൽ തോറ്റതോടെ ബാർസിലോനയും ജിറോണയും ലീഗ് പട്ടികയിൽ മുൻനിരയിലേക്കു വന്നു. ഇരുടീമിനും 6 കളിയിൽ 16 പോയിന്റ്. ബാർസിലോന സെൽറ്റ വിഗോയെ 3–2നു തോൽപിച്ചിരുന്നു. 

English Summary: Atlético beat real