വാട്ടർഫോർഡ് ടൈഗേർസ്; സെവൻസ് ഫുട്ബോൾ മേളയുടെ 5–ാം പതിപ്പുമായി അയർലൻഡിലെ മലയാളി കൂട്ടായ്മ

വാട്ടർഫോഡ്∙ അയർലൻഡ് മലയാളികളുടെ കൂട്ടായ്മയായ വാട്ടർഫോർഡ് ടൈഗേർസ് വീണ്ടും ഫുട്ബോൾ വിരുന്നുമായെത്തുന്നു. അയർലൻഡിലെ വിവിധ പ്രദേശങ്ങളിൽ നിന്നുള്ള മലയാളികളുടെ ടീമുകളാണ് ഒക്ടോബർ 29ന് നടക്കുന്ന സെവൻസ് ഫുട്ബോൾ മേളയിൽ മാറ്റുരയ്ക്കുന്നത്.

വാട്ടർഫോഡിലെ ബാലി ഗണ്ണർ ഇൻഡോർ സ്റ്റേഡിയത്തിൽ പകലും രാത്രിയുമായാണ് മത്സരങ്ങൾ. 30 പ്ലസ്, അണ്ടർ 30 എന്നീ രണ്ടു വിഭാഗങ്ങളിലായി മത്സരങ്ങൾ ഉണ്ടാവും. അയർലൻഡിൽ ഏറെ ജനശ്രദ്ധ ലഭിച്ച ടൂർണമെന്റിന്റെ അഞ്ചാമത്തെ പതിപ്പാണ് ഈ വർഷം നടക്കുന്നത്.

English Summary: Waterford Tigers 7A Side Football Festival