വിക്രം പ്രതാപ് സിങ്ങിന്റെ ഹാട്രിക്, മുംബൈ സിറ്റിക്ക് തകർപ്പൻ വിജയം

മുംബൈ ∙ വിക്രം പ്രതാപ് സിങ്ങിന്റെ ഹാട്രിക് മികവിൽ മുംബൈ സിറ്റി എഫ്സിക്ക് ഐഎസ്എൽ ഫുട്ബോളിൽ തകർപ്പൻ വിജയം. നോർത്ത് ഈസ്റ്റ് യുണൈറ്റഡിനെ 4–1ന്, ഐഎസ്എൽ ടേബിൾ ടോപ്പേഴ്സായ മുംബൈ സിറ്റി കീഴടക്കി. 3, 10, 80 മിനിറ്റുകളിലായിരുന്നു വിക്രം പ്രതാപ് സിങ്ങിന്റെ ഗോളുകൾ. യോയൽ വാൻ നീഫ്  മുംബൈയുടെ മറ്റൊരു ഗോളും നേടി. മലയാളി താരം എം.എസ്. ജിതിന്റേതാണ് നോർത്ത് ഈസ്റ്റിന്റെ ആശ്വാസഗോൾ.