ക്രിസ്റ്റ്യാനോയ്ക്ക് ഹാട്രിക്; അൽ നസ്റിനു ജയം

റിയാദ് ∙ സൂപ്പർ താരം ക്രിസ്റ്റ്യാനോ റൊണാൾഡോയുടെ ഹാട്രിക്കിന്റെ മികവിൽ സൗദി പ്രൊ ലീഗ് ഫുട്ബോളിൽ അൽ നസ്ർ 5–1ന് അൽ തായിയെ തകർത്തു. 64,67,87 മിനിറ്റുകളിലായിരുന്നു ക്രിസ്റ്റ്യാനോയുടെ ഗോളുകൾ. ജയത്തോടെ പോയിന്റ് പട്ടികയിൽ അൽ നസ്ർ രണ്ടാം സ്ഥാനത്തു തുടരുന്നു (59 പോയിന്റ്). അൽ ഹിലാലാണ് ഒന്നാമത് (71). 26 ഗോളുകളോടെ ക്രിസ്റ്റ്യാനോ തന്നെയാണ് ടോപ് സ്കോറർ പട്ടികയിൽ മുന്നിൽ. കരിയറിൽ തന്റെ 64–ാം ഹാട്രിക്കാണ് ക്രിസ്റ്റ്യാനോ നേടിയത്.