ഈസ്റ്റ് ബംഗാളിനെ വിറപ്പിച്ച് പഞ്ചാബ് എഫ്സി, 4–1ന് തോൽപിച്ചു

ന്യൂഡൽഹി ∙ ഐഎസ്എൽ ഫുട്ബോളിൽ ഈസ്റ്റ് ബംഗാളിനെതിരെ പഞ്ചാബ് എഫ്സിക്ക് തകർപ്പൻ ജയം. സ്വന്തം തട്ടകത്തിൽ നടന്ന മത്സരത്തിൽ പഞ്ചാബ് 4–1നാണ് ഈസ്റ്റ് ബംഗാളിനെ തകർത്തത്. വിൽമർ ജോർദാൻ ഗിൽ (19, 62), മദി തലാൽ (43), ലൂക്ക മെയ്സൻ (70) എന്നിവർ പഞ്ചാബിനായി ലക്ഷ്യം കണ്ടപ്പോൾ സയാൻ ബാനർജിയുടെ (25) വകയായിരുന്നു ഈസ്റ്റ് ബംഗാളിന്റെ ആശ്വാസ ഗോൾ. പോയിന്റ് പട്ടികയിൽ പഞ്ചാബ് എട്ടാം സ്ഥാനത്താണ്. ഈസ്റ്റ് ബംഗാൾ ഏഴാമതും.