സുരക്ഷാ ഉദ്യോഗസ്ഥനുമായി കൂട്ടിയിടി‌ച്ചു; മൊറാത്തയ്ക്ക് പരുക്ക്

മ്യൂണിക് ∙ യൂറോ സെമിഫൈനൽ മത്സരത്തിനു പിന്നാലെ സുരക്ഷാ ഉദ്യോഗസ്ഥനുമായി കൂട്ടിയിടി‌ച്ച് സ്പെയിൻ താരം അൽവാരോ മൊറാത്തയ്ക്കു പരുക്ക്. മൈതാനത്തേക്ക് ഓടിക്കയറിയ ആരാധകനെ പിടിക്കാനെത്തിയ ഉദ്യോഗസ്ഥൻ കാൽ തെന്നി മൊറാത്തയുടെ വലതുകാലിലേക്കു വീഴുകയായിരുന്നു. വേദന കൊണ്ടു പുളഞ്ഞ മൊറാത്ത സഹതാരങ്ങളുടെ സഹായത്തോടെയാണ് പിന്നീട് ഡ്രസ്സിങ് റൂമിലേക്കു പോയത്. മൊറാത്തയ്ക്കു വലിയ പരുക്കൊന്നുമില്ലെന്നും ഫൈനലിനു മുൻപ് അദ്ദേഹം കളിക്കാൻ പൂർണ സജ്ജനാകുമെന്നാണ് പ്രതീക്ഷയെന്നും സ്പെയിൻ കോച്ച് ലൂയിസ് ഡെ ലാ ഫ്യുയന്തെ പറഞ്ഞു.