പരിശീലക നിയമനത്തിൽ അതൃപ്തി; എഐഎഫ്എഫ്‌‌ ‌ടെക്നിക്കൽ സമിതി ‌സ്ഥാനമൊഴിയാൻ ബൂട്ടിയ

ന്യൂഡൽഹി ∙ ഇന്ത്യൻ ഫുട്ബോൾ ടീം പരിശീലകനെ നിയമിച്ചതിൽ നടപടിക്രമങ്ങൾ പാലിച്ചില്ലെന്നാരോപിച്ചു മുൻ രാജ്യാന്തര താരം ബൈചുങ് ബൂട്ടിയ, അഖിലേന്ത്യാ ഫുട്ബോൾ ഫെഡറേഷൻ ടെക്നിക്കൽ കമ്മിറ്റി പദവിയിൽ നിന്നു രാജിവയ്ക്കുന്നു.

കമ്മിറ്റിയിൽ തുടരാൻ താൽപര്യമില്ലെന്നു വ്യക്തമാക്കിയ ബൂട്ടിയ എഐഎഫ്എഫ് ഭരണസമിതിയിലെ നാമനിർദേശം ചെയ്യപ്പെട്ട അംഗമായി തുടരുമെന്നും പറഞ്ഞു. വ്യവസ്ഥകൾ അനുസരിച്ചു പരിശീലകനെ നിയമിക്കാനുള്ള നടപടികൾക്കു നേതൃത്വം നൽകേണ്ടതു ടെക്നിക്കൽ കമ്മിറ്റിയാണ്.

എന്നാൽ കമ്മിറ്റിയുടെ ശുപാർശ ഇല്ലാതെ അഖിലേന്ത്യാ ഫുട്ബോൾ ഫെഡറേഷൻ നേതൃത്വം നേരിട്ട് തീരുമാനമെടുത്തുവെന്ന് ബൂട്ടിയ ആരോപിച്ചു. സ്പെയിൻകാരനായ മനോലോ മാർക്കസിനെ കഴിഞ്ഞ ദിവസമാണ് ഇന്ത്യൻ ടീം പരിശീലകനായി നിയമിച്ചത്.