എഎഫ്സി ചാംപ്യൻസ് ലീഗ്:‌ മോഹൻ ബഗാൻ ഗ്രൂപ്പ് എയിൽ

ന്യൂഡൽഹി ∙ ഏഷ്യൻ ഫുട്ബോൾ ക്ലബ്ബുകളുടെ രണ്ടാം നിര ടൂർണമെന്റായ എഎഫ്സി ചാംപ്യൻസ് ലീഗ് 2ൽ മോഹൻ ബഗാൻ സൂപ്പർ ജയന്റ്സ് ഗ്രൂപ്പ് എയിൽ. ഖത്തർ ക്ലബ് അൽ വക്ര, ഇറാനിയൻ ക്ലബ് ട്രാക്ടർ, തജിക്കിസ്ഥാൻ ക്ലബ് എഫ്സി റാവ്‌ഷൻ എന്നിവരാണ് ഗ്രൂപ്പിലെ മറ്റു ടീമുകൾ. ഇന്ത്യൻ സൂപ്പർ ലീഗ് ഷീൽഡ് ചാംപ്യൻമാരായതോടെയാണ് ബഗാന് എഎഫ്സി ചാംപ്യൻസ് ലീഗ് 2ലേക്ക് യോഗ്യത ലഭിച്ചത്. 32 ക്ലബ്ബുകളെ 8 ഗ്രൂപ്പുകളായി തിരിച്ചാണ് ടൂർണമെന്റ്. സെപ്റ്റംബർ 17 മുതൽ ഡിസംബർ 5 വരെയാണ് ഗ്രൂപ്പ് ഘട്ട മത്സരങ്ങൾ. പ്രീ ക്വാർട്ടർ മുതലുള്ള മത്സരങ്ങൾ അടുത്ത വർഷം ആദ്യം നടക്കും. മേയ് 17നാണ് ഫൈനൽ.