ഇന്ത്യൻ പുരുഷ ഫുട്ബോൾ ടീം മുൻ പരിശീലകൻ ഇഗോർ സ്റ്റിമാച്ചിന് നഷ്ടപരിഹാരം നല്കാൻ ധാരണ; 3.36 കോടി രൂപ കൈമാറും

ന്യൂഡൽഹി ∙ ഇന്ത്യൻ പുരുഷ ഫുട്ബോൾ ടീം പരിശീലകനായിരുന്ന ഇഗോർ സ്റ്റിമാച്ചിന് അഖിലേന്ത്യാ ഫുട്ബോൾ ഫെഡറേഷൻ (എെഎഎഫ്എഫ്) നഷ്ടപരിഹാരമായി 3.36 കോടി രൂപ നൽകും. കരാർ കാലാവധി തീരാൻ ഒരു വർഷം ബാക്കിനിൽക്കെ പുറത്താക്കിയതിനെത്തുടർന്ന്,  2 വർഷത്തെ ശമ്പളമായ 7.72 കോടി രൂപ നഷ്ടപരിഹാരം ആവശ്യപ്പെട്ട് സ്റ്റിമാച്ച് ഫിഫ കോടതിയെ സമീപിച്ചിരുന്നു.

ഇതിനിടെ, എെഎഎഫ്എഫും സ്റ്റിമാച്ചും തമ്മിൽ 3.36 കോടി രൂപ എന്ന ഒത്തുതീർപ്പിലെത്തുകയായിരുന്നു.