വനിതാ ഫുട്ബോൾ ടീം പരിശീലകനായി സന്തോഷ് കശ്യപ്

ന്യൂഡൽഹി ∙ ഇന്ത്യയുടെ വനിതാ ഫുട്‌ബോൾ ടീം മുഖ്യ പരിശീലകനായി സന്തോഷ് കശ്യപിനെ അഖിലേന്ത്യാ ഫുട്‌ബോൾ ഫെഡറേഷൻ നിയമിച്ചു.  ഇന്ത്യയുടെ മുൻ രാജ്യാന്തര താരമായ കശ്യപിന് ഐ ലീഗ് പരിശീലകനായുള്ള പരിചയമുണ്ട്. ചവോബ ദേവിയുടെ പിൻഗാമിയായാണ് കശ്യപ് എത്തുന്നത്. ഒക്ടോബറിൽ നേപ്പാളിൽ നടക്കുന്ന സാഫ് വനിതാ ചാംപ്യൻഷിപ് മുതൽ ടീമിനൊപ്പം ചേരും. മലയാളിയായ പി.വി.പ്രിയയാണ് അസിസ്റ്റന്റ് കോച്ച്.