കാൾസ് ക്വാദ്രത്തിനെ പുറത്താക്കി ഈസ്റ്റ് ബംഗാൾ; ബിനോ ജോർജ് താൽക്കാലിക പരിശീലകൻ

കൊൽക്കത്ത ∙ ഐഎസ്എൽ സീസണിൽ തുടക്കം മോശമായതിനു പിന്നാലെ പരിശീലകൻ കാൾസ് ക്വാദ്രത്തിനെ പുറത്താക്കി ഈസ്റ്റ് ബംഗാൾ. സഹപരിശീലകനും മലയാളിയുമായ ബിനോ ജോർജിനാണ് ടീമിന്റെ താൽക്കാലിക ചുമതല.

കഴിഞ്ഞ ഏപ്രിലിൽ 2 വർഷത്തെ കരാറിലാണ് സ്പാനിഷ് പരിശീലകനായ ക്വാദ്രത് ഈസ്റ്റ് ബംഗാളിൽ എത്തിയത്. പിന്നാലെ ഈ വർഷം ആദ്യം നടന്ന കലിംഗ സൂപ്പർ കപ്പിൽ ക്വാദ്രത് ഈസ്റ്റ് ബംഗാളിനെ ജേതാക്കളാക്കി.

എന്നാൽ ഐഎസ്എൽ സീസണിൽ ആദ്യ 3 മത്സരങ്ങളും തോറ്റ് 12–ാം സ്ഥാനത്തേക്ക് തള്ളപ്പെട്ടതോടെയാണ് അൻപത്തിയഞ്ചുകാരനായ ക്വാദ്രത്തിനെ പുറത്താക്കാൻ ടീം തീരുമാനിച്ചത്.