സാഫ് വനിതാ ഫുട്ബോൾ: ഇന്ത്യയും ബംഗ്ലദേശും ഇന്നു നേർക്കുനേർ

കഠ്മണ്ഡു∙ സാഫ് വനിതാ ഫുട്ബോളിൽ ഇന്ത്യയും നിലവിലെ ജേതാക്കളായ ബംഗ്ലദേശും ഇന്നു നേർക്കുനേർ. വൈകിട്ട് 5.15നാണു കിക്കോഫ്. ഒന്നാം സ്ഥാനത്തുള്ള ഇന്ത്യ സെമി ഫൈനലിൽ  സ്ഥാനം ഉറപ്പിച്ചുകഴിഞ്ഞു. ഒരു പോയിന്റുമായി ബംഗ്ലദേശ് നിലവിൽ രണ്ടാം സ്ഥാനത്താണ്.

സമനിലയെങ്കിലും നേടി സെമി സാധ്യത നിലനിർത്തുകയാണു ബംഗ്ലദേശിന്റെ വെല്ലുവിളി. 2022ൽ നടന്ന സാഫ് ഫുട്ബോൾ ഗ്രൂപ്പ് മത്സരത്തിൽ ഇന്ത്യ ബംഗ്ലദേശിനോടു (3–0) തോറ്റിരുന്നു.