ഐ ലീഗിൽ ഇന്ന് ഗോകുലം X ചർച്ചിൽ

കോഴിക്കോട്∙ ഐ ലീഗ് ഫുട്ബോളിലെ രണ്ടാം ഹോം മത്സരത്തിൽ ഗോകുലം കേരള എഫ്സി ഇന്നു ചർച്ചിൽ ബ്രദേഴ്സിനെ നേരിടും. ആദ്യ 3 മത്സരങ്ങളിലും തോൽവിയറിയാത്ത ഗോകുലം സ്വന്തം മൈതാനത്ത് ആദ്യവിജയം തേടിയാണ് ഇന്നിറങ്ങുന്നത്. കിക്കോഫ് വൈകിട്ട് 7ന്. 

ലീഗിലെ ആദ്യമത്സരത്തിൽ ശ്രീനിധി ഡെക്കാൻ എഫ്സിക്കെതിരെ 3–2ന് വിജയിച്ച ഗോകുലം രണ്ടാംമത്സരത്തിൽ റിയൽ കശ്മീരുമായും മൂന്നാം മത്സരത്തിൽ ഐസോൾ എഫ്സിയുമായും 1–1ന് സമനില പങ്കിട്ടിരുന്നു. 5 പോയിന്റുമായി 6–ാം സ്ഥാനത്താണ് ടീം.  4 പോയിന്റുമായി ചർച്ചിൽ ബ്രദേഴ്സ് ഏഴാം സ്ഥാനത്തുമാണ്.  മത്സരം സോണിയിലും എസ്എസ്ഇഎൻ ആപ്പിലും ഡിഡി സ്പോർട്സിലും തത്സമയം.