സന്തോഷ് ട്രോഫി ഫുട്ബോളിൽ സർവീസസിനും ബംഗാളിനും വിജയം; മണിപ്പുർ 2–1ന് രാജസ്ഥാനെ വീഴ്‌ത്തി

ഹൈദരാബാദ് ∙ സന്തോഷ് ട്രോഫി ഫുട്ബോൾ ഗ്രൂപ്പ് എ മത്സരത്തിൽ സർവീസസ് 4–0ന് ജമ്മു കശ്മീരിനെയും ബംഗാൾ 3–0ന് തെലങ്കാനയെയും തോൽപിച്ചു. കശ്മീരിനെതിരെ, സർവീസസിനുവേണ്ടി മലയാളി താരങ്ങളായ രാഹുൽ രാമകൃഷ്ണൻ, വി.ജി.ശ്രേയസ് എന്നിവർ 2 ഗോൾ വീതം നേടി. രാഹുൽ രാമകൃഷ്ണനാണ് പ്ലെയർ ഓഫ് ദ മാച്ച്.

രണ്ടാം മത്സരത്തിൽ ബംഗാളിനുവേണ്ടി നരോഹരി ശ്രേഷ്ഠ ഇരട്ടഗോളുകൾ നേടിയപ്പോൾ റോബി ഹൻസ്ഡ ഒരു ഗോൾ നേടി. ഇന്നലെ രാത്രി നടന്ന മത്സരത്തിൽ മണിപ്പുർ 2–1ന് രാജസ്ഥാനെ തോൽപിച്ചു.