ഹൈദരാബാദിനെ 3–0ന് തോൽപിച്ച് മോഹൻ ബഗാൻ, ഒന്നാം സ്ഥാനത്തു തുടരുന്നു

കൊൽക്കത്ത∙ ഐഎസ്എൽ ഫുട്ബോളിൽ ഹൈദരാബാദ് എഫ്സിയെ 3–0ന് തോൽപിച്ച് കൊൽക്കത്ത മോഹൻ ബഗാൻ സൂപ്പർ ജയന്റ്സ്. സ്വന്തം മൈതാനമായ സോൾട്ട് ലേക്ക് സ്റ്റേഡിയത്തിൽ നടന്ന മത്സരത്തിൽ ടോം അൽഡ്രഡ് (41–ാം മിനിറ്റ്), ജേസൻ കമിങ്സ് (51) എന്നിവർ ബഗാനായി ലക്ഷ്യം കണ്ടു. ഹൈദരാബാദ് താരം സ്റ്റെഫാൻ സാപിച്ച് (9) സെൽഫ് ഗോൾ വഴങ്ങി. 14 മത്സരങ്ങളിൽ നിന്ന് 32 പോയിന്റുമായി ബഗാൻ ഒന്നാം സ്ഥാനത്ത് തുടരുന്നു. ഇത്രയും മത്സരങ്ങളിൽ നിന്ന് 8 പോയിന്റുള്ള ഹൈദരാബാദ് 12–ാം സ്ഥാനത്താണ്.