ഏഷ്യൻ ഗെയിംസ്: ജൂഡോ ടീമിന് ഉത്തേജക കുരുക്ക്

ന്യൂഡൽഹി ∙ ഏഷ്യൻ ഗെയിംസിൽ മെഡൽക്കുതിപ്പിനൊരുങ്ങുന്ന ഇന്ത്യയ്ക്കു നിരാശ സമ്മാനിച്ച് ജൂഡോയിലെ ഉത്തേജക വിവാദം. ഗെയിംസിനുള്ള ഇന്ത്യൻ പുരുഷ ജൂഡോ ടീമിലെ 4 പേരാണ് ദേശീയ ഉത്തേജക വിരുദ്ധ ഏജൻസി (നാഡ) നടത്തിയ പരിശോധനയിൽ കുടുങ്ങിയത്. ഏപ്രിലിൽ ന്യൂഡൽഹിയിൽ നടന്ന ഏഷ്യൻ ഗെയിംസ് ട്രയൽസിനിടെയാണ് നാഡ, ജൂഡോ താരങ്ങളെ പരിശോധനയ്ക്ക് വിധേയരാക്കിയത്. പരിശോധനയിൽ കുടുങ്ങിയവരിൽ 2 പേർ അടുത്തിടെ തജിക്കിസ്ഥാനിൽ നടന്ന രാജ്യാന്തര മത്സരത്തിലും പങ്കെടുത്തിരുന്നു. 

കുറ്റക്കാരെ മാറ്റി നിർത്തി പകരക്കാരെ ടീമിൽ ഉൾപ്പെടുത്തിയില്ലെങ്കിൽ ഈയിനങ്ങളിൽ ഏഷ്യൻ ഗെയിംസിൽ ഇന്ത്യയ്ക്കു പ്രാതിനിധ്യം നഷ്ടമാകും. ജൂലൈ 15 ആണ് ഏഷ്യൻ ഗെയിംസിന് എൻട്രി സമർപ്പിക്കുന്നതിനുള്ള അവസാന തീയതി. 

English Summary: Doping Controversy for asian Games Judo Team