13–0 ഗോൾ വർഷവുമായി ഇന്ത്യൻ വനിതാ ഹോക്കി ടീമും, സിംഗപ്പുരിനെ തകർത്തു

ഹാങ്ചോ∙ പുരുഷ ഹോക്കി ടീമിനു പിന്നാലെ ഇന്ത്യൻ വനിതകളും ഗോൾവർഷത്തോടെ തുടങ്ങി. യുവതാരം സംഗീതകുമാരിയുടെ ഹാട്രിക്കിന്റെ മികവിൽ, ആദ്യ പൂൾ മത്സരത്തിൽ സിംഗപ്പുരിനെ 13–0ന് ആണ് ഇന്ത്യ തകർത്തത്. പുരുഷ ടീം ആദ്യ 2 മത്സരങ്ങളിൽ 32 ഗോൾ നേടിയിരുന്നു.

സംഗീത 23, 47, 56 മിനിറ്റുകളിലും നവനീത് കൗർ 14‍–ാം മിനിറ്റിൽ 2 തവണയും ഗോൾ നേടി. ഉദിത(6), സുശീല ചാനു(8), ദീപിക(11), ദീപ് ഗ്രേസ് എക്ക(17), നേഹ(19), സലീമ ടെറ്റെ(35), മോണിക്ക(52), വന്ദന കഠാരിയ(56) എന്നിവരാണ് മറ്റു സ്കോറർമാർ. നാളെ മലേഷ്യയ്ക്കെതിരെയാണ് ഇന്ത്യയുടെ അടുത്ത പൂൾ മത്സരം.

English Summary: India beat Singapore in Asian Games hockey