നന്ദി ശ്രീജേഷ്; ഒളിംപിക്സിൽ വീണ്ടും മലയാളത്തിന്റെ മുദ്ര ചാർത്തിയതിന്.., ഇന്ത്യൻ ഹോക്കിയുട‌െ കാവലാളായതിന്...!

വിട‌വാങ്ങൽ മത്സരത്തിനു തൊട്ടു മുൻപ് ഇന്ത്യൻ ഹോക്കി ടീമിന്റെ ഗോൾകീപ്പർ പി.ആർ. ശ്രീജേഷ് ഇൻസ്റ്റഗ്രാമിൽ പങ്കുവച്ച കുറിപ്പ്:

‘സ്വപ്നങ്ങളുട‌െ കാവൽക്കാരനാണ് ഞാൻ’’ 

ഈ ഗോൾപോസ്റ്റുകൾക്കിടയിൽ അവസാനമായി നിൽക്കുമ്പോൾ എന്റെ ഹൃദയം അഭിമാനം കൊണ്ടും കടപ്പാട് കൊണ്ടും തുടിക്കുകയാണ്. സ്വപ്നങ്ങളേറെ കണ്ടു നടന്ന ഒരു കുട്ടിയിൽനിന്ന് ഇന്ത്യയുടെ കാവൽക്കാരൻ എന്ന നിലയിലേക്കുള്ള എന്റെ ഈ യാത്ര അസാധാരണം എന്നേ പറയാനാവൂ.

ഇന്നു ഞാൻ ഇന്ത്യയ്ക്കു വേണ്ടി അവസാന മത്സരം കളിക്കാനിറങ്ങുകയാണ്. ഈ കളിയിലെ ഓരോ സേവും ഓരോ ഡൈവും ഗാലറിയിൽ ഇന്ത്യൻ ആരാധകരുടെ ആരവവും എന്റെ ഹൃദയത്തിൽ എന്നെന്നും മാറ്റൊലി കൊള്ളും. നന്ദി ഇന്ത്യ, എന്നെ വിശ്വസിച്ചതിന്, ചേർത്തു നിർത്തിയതിന്.

ഇതൊരു അവസാനമല്ല. ഊഷ്മളമായ ഓർമകളുടെ തുടക്കമാണ്. സ്വപ്നങ്ങളുടെ കാവൽക്കാരനായിരിക്കും ഞാനെന്നും. ജയ് ഹിന്ദ്!