ജുവലിന് വെങ്കലം, അഭിരാമിന് രണ്ടാം മെഡൽ

ചെന്നൈ ∙ സാഫ് ജൂനിയർ അത്‌ലറ്റിക്സിന്റെ അവസാന ദിവസവും കേരളത്തിന് മെഡൽ തിളക്കം. ആൺകുട്ടികളുടെ ഹൈജംപിൽ കോട്ടയം മുരിക്കുംവയൽ ഗവ. വി.എച്ച്എസ്എസിലെ പ്ലസ് വൺ വിദ്യാർഥി മുണ്ടക്കയം ചിറ്റടി സ്വദേശി ജുവൽ തോമസ് വെങ്കലം സ്വന്തമാക്കി. ആൺകുട്ടികളുടെ 4–400 മീറ്റർ റിലേയിൽ വെള്ളി നേടിയ ഇന്ത്യൻ ടീമിൽ അംഗമായ പാലക്കാട് മാത്തൂർ സ്വദേശി പി.അഭിരാം മീറ്റിലെ രണ്ടാം മെഡൽ നേടി. വ്യാഴാഴ്ച 400 മീറ്ററിൽ അഭിരാം വെങ്കലം നേടിയിരുന്നു. ചാംപ്യൻഷിപ്പിൽ 21 സ്വർണവും 22 വെള്ളിയും 5 വെങ്കലവുമടക്കം 48 മെഡലുകളോടെ ഇന്ത്യ ജേതാക്കളായി.