സംസ്ഥാന സ്കൂൾ ഗെയിംസിന്റെ ഗ്രൂപ്പ് 3 മത്സരങ്ങൾ നാളെ മുതൽ കണ്ണൂരിൽ; 9ന് അവസാനിക്കും
Mail This Article
×
കണ്ണൂർ ∙ സംസ്ഥാന സ്കൂൾ ഗെയിംസിന്റെ ഗ്രൂപ്പ് 3 മത്സരങ്ങൾ നാളെ മുതൽ 9 വരെ കണ്ണൂരിലെ വിവിധ വേദികളിൽ നടക്കും. സബ്ജൂനിയർ, ജൂനിയർ, സീനിയർ വിഭാഗങ്ങളിലെ ഗുസ്തി മത്സരങ്ങൾ മുണ്ടയാട് ഇൻഡോർ സ്റ്റേഡിയത്തിൽ നാളെ ആരംഭിക്കും. 8ന് ആരംഭിക്കുന്ന ജിംനാസ്റ്റിക്സ് മത്സരങ്ങൾക്ക് തലശ്ശേരി സായ് സെന്റർ വേദിയാകും.
ആർച്ചറി (ജൂനിയർ, സീനിയർ വിഭാഗങ്ങൾ), യോഗാസന (സീനിയർ), തയ്ക്വാൻഡോ (സബ്ജൂനിയർ, ജൂനിയർ), ബാസ്കറ്റ്ബോൾ (ജൂനിയർ ആൺ) എന്നിവയാണ് കണ്ണൂരിൽ നടക്കുന്ന മറ്റു ഗെയിംസ് മത്സരങ്ങൾ. ഈ വർഷത്തെ സംസ്ഥാന സ്കൂൾ കായികമേള നവംബർ 5 മുതൽ 11 വരെ കൊച്ചിയിൽ നടത്താൻ തീരുമാനിച്ചിരുന്നു.
എന്നാ‍ൽ അതിനു മുൻപേ ദേശീയ മത്സരങ്ങൾ നടക്കുന്ന ഗെയിംസ് ഇനങ്ങളിലെ സംസ്ഥാന മത്സരങ്ങളാണ് വിവിധ ജില്ലകളിലായി നേരത്തേ സംഘടിപ്പിക്കുന്നത്.
English Summary:
School Games: Group 3 matches from tomorrow
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
