സഫലതീർഥം !; നീന്തലിൽ തീർഥു സാമദേവിന് ഹാട്രിക് മീറ്റ് റെക്കോർഡ്

കൊച്ചി ∙ ഒന്നിനു പുറകേ ഒന്നായി മൂന്ന് മീറ്റ് റെക്കോർഡുകൾ ! സംസ്ഥാന സ്കൂൾ കായികമേളയിലുടെ ഒന്നാം ദിനം മുതൽ നീന്തൽ കുളം അടക്കിവാണ എം. തീർഥു സാമവേദ്, ഹാട്രിക് മീറ്റ് റെക്കോർഡുകളുമായി അമ്മയ്ക്കൊപ്പം സ്വന്തം നാടായ ആന്ധ്രയിലെ വിജയവാഡയിലേക്കു തിരിച്ചു. ഇന്നലെ നടന്ന ജൂനിയർ ബോയ്സ് 400 മീറ്റർ ഇൻഡിവിജ്വൽ മെഡ്‌ലെയിലാണ് 2022ലെ റെക്കോർഡ് മറികടന്നത്. 4 മിനിറ്റ് 50.60 സെക്ക‍ൻഡാണ് പുതിയ റെക്കോർഡ്. തിരുവനന്തപുരം തുണ്ടത്തിൽ എംവി എച്ച്എസ്എസിലെ താരം അച്ഛന്റെ ആകസ്മിക മരണത്തിന്റെ ദുഃഖത്തിനിടെയാണു മത്സരങ്ങളിൽ പങ്കെടുത്തത്. ജൂനിയർ ബോയ്സ് 400, 800 മീറ്റർ ഫ്രീസ്‌റ്റൈൽ വിഭാഗങ്ങളിലാണ് ആദ്യ രണ്ടു മീറ്റ് റെക്കോർഡുകൾ തീർഥു സാമദേവ് മറികടന്നത്.