ബൊപ്പണ്ണ – ഖുറേഷി സഖ്യത്തിന് തോൽവി

അകാപുൽകോ (മെക്സിക്കോ) ∙ 7 വർഷത്തിനുശേഷം ഒരുമിച്ച ഇന്ത്യ – പാക്ക് ടെന്നിസ് ജോടികളായ രോഹൻ ബൊപ്പണ്ണയ്ക്കും ഐസം ഉൽ ഹഖ് ഖുറേഷിക്കും മെക്സിക്കൻ ഓപ്പണിലെ ആദ്യ മത്സരത്തിൽ തോൽവി. 2–ാം സീഡ് ബ്രൂണോ സോറസ്– ജാമി മറി സഖ്യത്തിനോടാണു സൂപ്പർ ടൈബ്രേക്കറിൽ പരാജയപ്പെട്ടത്. സ്കോർ: 7-6, 2-6, 1-10. 2014ലെ ഷെൻസൻ എടിപി ടൂർണമെന്റിനുശേഷം ബൊപ്പണ്ണയും ഖുറേഷിയും ആദ്യമായാണ് ഒരുമിച്ചു മത്സരിക്കുന്നത്.