ADVERTISEMENT
Skip ads. Subscribe now.

പുതുവർ‌ഷത്തെ വരവേൽക്കാൻ ഒരുങ്ങുമ്പോൾ‌ 2019 നൽകിയ മറക്കാനാവാത്ത ഓർമകൾ പങ്കുവച്ച് സിനിമ–സീരിയൽ താരം സ്വാസിക വിജയ്. സീത എന്ന സീരിയയിലലൂടെ മിനിസ്ക്രീൻ പ്രേക്ഷകരുടെ പ്രിയങ്കരിയായ സ്വാസികയ്ക്ക് ഈ വർഷം സിനിമയിലും ശ്രദ്ധേയമായ വേഷങ്ങൾ ലഭിച്ചിരുന്നു. മോഹൻലാലിനും സംവിധായകൻ ജോഷിക്കും ഒപ്പം പ്രവർത്തിക്കാൻ സാധിച്ചതാണ് ഈ വർഷത്തെ പ്രിയപ്പെട്ട സ്വാസികയുടെ ഓർമകൾ.

ഇവർക്കൊപ്പമുളള ചിത്രത്തിനൊപ്പമാണ് സ്വാസിക തന്നെ ലഭിച്ച ഏറ്റവും മികച്ച ഓര്‍മകൾ‌ പങ്കുവച്ചത്. ‘‘സന്തോഷിക്കാൻ നിരവധി ഓർമകൾ 2019 എനിക്ക് തന്നു. ഇതാണ് അവയിൽ ഏറ്റവും മികച്ചത്. അഭിനയത്തിന്റെ സർവകലാശാലയായ ലാല്‍ സാറും ഐതിഹാസിക സംവിധായകനായ ജോഷിസാറും. എന്റെ സ്വപ്നങ്ങൾ പൂവണിഞ്ഞ നിമിഷങ്ങൾ’’– സ്വാസിക ഇൻസ്റ്റഗ്രാമിൽ കുറിച്ചു.

മോഹൻലാലിനൊപ്പം ഇട്ടിമാണി മെയ്ഡ് ഇൻ ചൈന എന്ന സിനിമയിലാണ് സ്വാസിക അഭിനയിച്ചത്. ജോഷി സംവിധാനം ചെയ്ത പൊറിഞ്ചു മറിയം ജോസ് എന്ന സിനിമയിലെ താരത്തിന്റെ പ്രകടനവും അഭിനന്ദനങ്ങൾ നേടിയിരുന്നു.

English Summary : Swasika Vijays' most cherish memories in 2019

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com