‘എനിക്ക് പറക്കണം എന്നാഗ്രഹമുണ്ട്, പക്ഷേ...’; പച്ച ഔട്ട്ഫിറ്റിൽ സ്റ്റൈലിഷ് ലുക്കിൽ അനിഖ

മലയാളികൾക്ക് ഏറെ പ്രിയപ്പെട്ട താരമാണ് അനിഖ സുരേന്ദ്രൻ. ബാലതാരമായി വന്ന് ആരാധകരുടെ മനം കീഴടക്കിയ അനിഖ ഇന്ന് യുവനിരയിലെ ഏറ്റവും പ്രധാനപ്പെട്ട താരമാണ്. അനിഖയുടെ പുത്തൻ ഫോട്ടോഷൂട്ടാണ് സമൂഹ മാധ്യമങ്ങളിൽ വൈറലാകുന്നത്. പച്ചനിറത്തിലുള്ള ഔട്ട്ഫിറ്റിലാണ് നടി എത്തിയത്. 

പച്ച ലോങ് ഗൗണാണ് സ്റ്റൈൽ ചെയ്തത്. ഷോൾഡർ ലെസ് വസ്ത്രത്തിന് ഒരു കേപ്പും നൽകിയിട്ടുണ്ട്. ഒരു കൂട്ടിനുള്ളിൽ നിൽക്കുന്ന തരത്തിലാണ് ചിത്രങ്ങൾ. പറക്കാൻ ആഗ്രഹിക്കുന്ന പെൺകുട്ടികളുടെ പ്രതീകമായാണ് അനിഖയുടെ ചിത്രങ്ങൾ. 

‘എനിക്ക് പറക്കണം എന്നാഗ്രഹമുണ്ട്. എന്നാൽ എന്റെ സ്വർഗം മനുഷ്യനിർമിതമായ ഈ കൂട്ടിനുള്ളിലാണ്’ എന്ന കുറിപ്പോടെയാണ് താരം ചിത്രങ്ങൾ പങ്കുവച്ചത്. നിരവധി പേരാണ് ചിത്രത്തിന് കമന്റുമായെത്തുന്നത്.