‘എടാ മോനേ... സൂപ്പറായിട്ടുണ്ട്, അടിച്ചു കേറിവാ’: കാവിമുണ്ടിൽ അനുശ്രീയുടെ പുതിയ ലുക്ക്

നാടൻലുക്കിലും മോഡേൺലുക്കിലുമുള്ള ചിത്രങ്ങൾ സമൂഹമാധ്യമങ്ങളിലൂടെ പങ്കുവയ്ക്കുന്ന താരമാണ് അനുശ്രീ. ഇപ്പോൾ തികച്ചും വ്യത്യസ്തമായ ലുക്കിലുള്ള ചിത്രമാണ് അനുശ്രീ പങ്കുവയ്ക്കുന്നതാണ്. മുണ്ടും ഷർട്ടുമാണ് ധരിച്ചുള്ള അനുശ്രീയുടെ ചിത്രങ്ങളാണ് സമൂഹമാധ്യമങ്ങളിൽ ശ്രദ്ധനേടുന്നത്. 

മഞ്ഞക്കരയുള്ള കാവിമുണ്ടും ഹാഫ് സ്ലീവ് നീല പ്ലിന്റഡ് ടോപ്പുമാണ് താരത്തിന്റെ ഔട്ട്ഫിറ്റ്. കയ്യിൽ ചായ ഗ്ലാസും ഉണ്ട്. കൊല്ലൂർ മൂകാംബികാ ക്ഷേത്ര പരിസരത്തു നിന്നുള്ളതാണ് ചിത്രങ്ങൾ.

ആക്സസറീസ് ഇല്ലാതെ വളരെ സിംപിൾ ലുക്കിലാണ് അനുശ്രീ. മിനിമം മേക്കപ്പാണ്. ഐലൈനർ ഉപയോഗിച്ചിട്ടുണ്ട്. ന്യൂഡ് ഷെയ്ഡ് ലിപ്സ്റ്റിക്കാണ്. 

സമൂഹമാധ്യമങ്ങളിലെത്തി നിമിഷങ്ങൾക്കകം തന്നെ ഫോട്ടോകൾക്കു നിരവധി കമന്റുകളുമെത്തി. ‘എടാമോനെ, സൂപ്പറായിട്ടുണ്ട്, അടിച്ചു കേറിവാ’ എന്നാണ് ചിത്രങ്ങൾക്കു താഴെ പലരും കമന്റ് ചെയ്തത്.  ആഹാ കളറായിട്ടുണ്ടല്ലോ. അണ്ണൻ കൊല്ലൂരിലുണ്ടല്ലേ എന്നിങ്ങനെയുള്ള കമന്റുകളും എത്തി.