2.7 ലക്ഷം രൂപയുടെ സർദോസി ഔട്ട്ഫിറ്റിൽ കജോള്‍; അതിസുന്ദരി എന്ന് ആരാധകർ

മനോഹരമായ വസ്ത്രങ്ങളിലുള്ള ഫോട്ടോഷൂട്ട് ചിത്രങ്ങൾ സമൂഹമാധ്യമത്തിലൂടെ പങ്കുവയ്ക്കാറുണ്ട് ബോളിവുഡ് താരം കജോൾ. ഇപ്പോൾ സർദോസി പാന്റ് സ്യൂട്ടിലുള്ള കജോളിന്റെ ചിത്രങ്ങളാണ് സമൂഹമാധ്യമങ്ങളിൽ ശ്രദ്ധനേടുന്നത്. ഫ്ലോറൽ എംബ്രോയിഡറി വർക്കുള്ള വെള്ള സിൽക്ക് പാന്റ് സ്യൂട്ടാണ് താരത്തിന്റേത്.

2,710 ഡോളറാണ് ഈ ഔട്ട്ഫിറ്റിന്റെ വിലയെന്നാണ് പുറത്തുവരുന്ന റിപ്പോർട്ടുകൾ. അതായത് ഏകദേശം 2.7 ലക്ഷം രൂപ. വസ്ത്രത്തിനിണങ്ങുന്ന രീതിയിൽ മിനിമൽ മേക്കപ്ാണ്. ന്യൂഡ് ഷെയ്ഡ് ലിപ്സ്റ്റിക്. മസ്കാരയും ഐലൈനറും ഉപയോഗിച്ചിട്ടുണ്ട്. പോണിടെയിൽ ഹെയർ സ്റ്റൈലാണ്. ഒപ്പം മനോഹരമായ കൂളിങ് ഗ്ലാസും സ്റ്റൈൽ ചെയ്തിരിക്കുന്നു.

കജോൾ പങ്കുവച്ച ചിത്രങ്ങൾക്കു താഴെ ഹൃദ്യമായ നിരവധി കമന്റുകളും എത്തി. ‘മനോഹരമായ ലുക്ക്’ എന്നാണ് ചിത്രങ്ങൾക്ക് പലരും കമന്റ് ചെയ്തത്. കജോൾ എല്ലാകാലത്തും സുന്ദരിയാണ് എന്ന രീതിയിലുള്ള കമന്റുകളും എത്തി.