‘ഫെയ്സ്ബുക്ക് പേജ് ഹാക്ക് ചെയ്യപ്പെട്ടു’; മുന്നറിയിപ്പുമായി നടി ഗൗരി കൃഷ്ണൻ

ഫെയ്സ്ബുക്ക് പേജ് ഹാക്ക് ചെയ്യപ്പെതായി നടി ഗൗരി കൃഷ്ണൻ. സൈബർ സെല്ലിൽ പരാതി നൽകിയിട്ടുണ്ടെന്നും താരം ഇൻസ്റ്റഗ്രാം പോസ്റ്റിലൂടെ അറിയിച്ചു. ഫെയ്സ്ബുക്ക് വെരിഫിക്കേഷൻ ലഭിച്ച പേജാണിത്. 7 ലക്ഷത്തിലധികം ഫോളോവേഴ്സ് ഉണ്ട്. 

‘‘എന്റെ വെരിഫൈഡ് ഫെയ്സ്ബുക്ക് പേജ് ഹാക്ക് ചെയ്യപ്പെട്ടിരിക്കുകയാണ്. സൈബർ സെല്ലിൽ പരാതി നൽകിയിട്ടുണ്ട്. പേജിൽ ഏതെങ്കിലും തരത്തിലുള്ള അനാവശ്യ പോസ്റ്റുകൾ കണ്ടാൽ അതു ഞാനല്ലെന്ന് ദയവായി മനസ്സിലാക്കുക’’– ഗൗരി കുറിച്ചു. വെരിഫൈഡ് പേജിന്റെ സ്ക്രീൻ ഷോട്ടും പങ്കുവച്ചിട്ടുണ്ട്.

അഭിനയത്തോടൊപ്പം വ്ലോഗറും സോഷ്യൽ മീഡിയ ഇൻഫ്ലുവൻസറായും ശ്രദ്ധ നേടിയ താരമാണ് ഗൗരി. കോട്ടയം സ്വദേശിയാണ്. ‘അനിയത്തി’ എന്ന സീരിയലിലൂടെയാണ് അഭിനയരംഗത്തേക്ക് എത്തിയത്. പൗർ‌ണമിത്തിങ്കൾ എന്ന പരമ്പരയിലൂടെ നിരവധി ആരാധകരെ സ്വന്തമാക്കി.