തകർത്താടി ഉത്തരയും ആദിത്യയും; ഹൽദി ദിനം ആഘോഷമാക്കി കുടുംബം

മഞ്ഞ സാരിയിൽ നാടൻ സ്റ്റൈലിലാണ് ഉത്തര ഹൽദി ദിനത്തിൽ അണിഞ്ഞൊരുങ്ങിയത്. മഞ്ഞ സാരിക്കൊപ്പം പച്ച ബ്ലൗസാണ് ഉത്തര ധരിച്ചത്. പരമ്പരാഗത രീതിയിൽ മടിസാർ സ്റ്റൈലിൽ സാരി ധരിച്ച് മുടിയിൽ പൂക്കളും ചൂടി ഒരു നാടൻ സുന്ദരിയായാണ് ഉത്തര ഒരുങ്ങിയത്. മഞ്ഞ കുർത്തയാണ് വരൻ ആദ്യത്യ ധരിച്ചത്. 

പാട്ടും നൃത്തവുമായി ഹൽദി ദിനം ആഘോഷമാക്കിയിരിക്കുകയാണ് ഉത്തരയും കുടുംബവും. നടൻ ലാലും ചടങ്ങുകൾക്കെത്തിയിരുന്നു. ഗംഭീര ഡാൻസുമായി ചടങ്ങിനെത്തിയവരെ പോലും അമ്പരപ്പിച്ചിരിക്കുകയാണ് നൃത്ത കുടുംബം. വരന്റെയും വധുവിന്റെയും കുടുംബങ്ങളുടെ നൃത്ത മത്സരവും ചടങ്ങിനെ ഗംഭീരമാക്കി. അന്താക്ഷരി മത്സരമടക്കം പല വേറിട്ട മത്സരങ്ങളും നടത്തി ഹൽദി അടിച്ചുപൊളിച്ചു. 

മഞ്ഞയിൽ നീല ബോർഡറുള്ള സാരി ധരിച്ചാണ് ആശ ശരത്ത് ഹൽദി ദിനത്തിലെത്തിയത്. മകളെ പോലെ തന്നെ അതി സുന്ദരിയായിരുിന്നു ആശ ശരത്തും. 

Content Summary: Uthara Sharath and family celebrates haldi