ഇഷ്ടക്കാരെ വേഗം കണ്ടെത്താം, ഫേവറിറ്റ് ലിസ്റ്റുമായി വാട്സാപ്പ്

ഉപയോക്താക്കൾക്ക് പ്രാധാന്യമുള്ള ആളുകളെയും ഗ്രൂപ്പുകളെയും എളുപ്പത്തിൽ കണ്ടെത്താനുള്ള ഒരു  ഫീച്ചറുമായി വാട്സാപ്പ് ഉപയോക്താക്കൾക്ക് അവരുടെ കോൺടാക്റ്റുകളോ ഗ്രൂപ്പുകളോ 'ഫേവറിറ്റുകൾ' ആയി അടയാളപ്പെടുത്താൻ കഴിയുമെന്ന് ജനപ്രിയ ഇൻസ്റ്റൻ്റ് മെസേജിങ് പ്ലാറ്റ്‌ഫോം പ്രഖ്യാപിച്ചു. 'ഫേവറിറ്റുകൾ' പട്ടികയിൽ ചേർത്ത് ഉപയോക്താക്കൾക്ക് ചാറ്റ് സ്ക്രീനിൽ അവരുടെ ബാക്കിയുള്ള കോൺടാക്റ്റുകളിൽ നിന്ന്  പ്രത്യേക ചാറ്റുകൾ ഫിൽട്ടർ ചെയ്യാൻ കഴിയും. 

ഉപയോക്താക്കൾക്ക് അവരുടെ കുടുംബാംഗങ്ങളെയോ സുഹൃത്തുക്കളെയോ വേഗത്തിൽ ഡയൽ ചെയ്യാൻ കഴിയുന്ന തരത്തിൽ വാട്ട്സാപ്പിലെ കോളുകൾ ടാബിലേക്കും 'ഫേവറിറ്റുകൾ' ഫിൽട്ടർ വിപുലീകരിച്ചു. ഉപയോക്താക്കൾക്ക് കോൺടാക്റ്റുകളോ ഗ്രൂപ്പുകളോ അവരുടെ 'ഫേവറിറ്റുകൾ' ലിസ്റ്റിലേക്ക് ചേർക്കാൻ കഴിയുന്നത് ഇങ്ങനെ

ആദ്യം ആപ് അപ്ഡേറ്റ് ചെയ്യുക. നിങ്ങൾ ആപ്പ് അപ്‌ഡേറ്റ് ചെയ്‌തയുടൻ ഫേവറിറ്റ് ഫിൽറ്റർ ദൃശ്യമാകുമെന്ന്ഉറപ്പുനൽകുന്നില്ല എന്നത് ശ്രദ്ധിക്കുക, അത് കാണിക്കാൻ ഇനിയും കുറച്ച് സമയമെടുക്കും.

ഫേവറിറ്റ് ഓപ്ഷൻ വന്നാൽ ചാറ്റ് സ്ക്രീനിൽ 'ഫേവറിറ്റുകൾ' ഫിൽട്ടർ തിരഞ്ഞെടുത്ത് അവിടെ നിങ്ങളുടെ കോൺടാക്റ്റുകളോ ഗ്രൂപ്പുകളോ തിരഞ്ഞെടുക്കുക.

ആൻഡ്രോയിഡ് ഫോണിൽ:

∙വാട്സാപ്പ് തുറന്ന് ചാറ്റ് ടാബിലേക്ക് പോകുക.

∙നിങ്ങൾ 'ഫേവറിറ്റുകൾ' ലിസ്റ്റിൽ ചേർക്കാൻ ആഗ്രഹിക്കുന്ന ചാറ്റ് തിരഞ്ഞെടുക്കുക.

∙വലതുവശത്ത് മുകളിൽ സ്ഥിതി ചെയ്യുന്ന മൂന്ന് ഡോട്ട് ഐക്കണിൽ ടാപ്പ് ചെയ്യുക.

∙നക്ഷത്ര ഐക്കണില്‍ ടാപ് ചെയ്യുക

∙ഇത് ചാറ്റ് 'ഫേവറിറ്റുകൾ' ലിസ്റ്റിലേക്ക് ചേർക്കും.

ഐഫോണിൽ

∙വാട്സാപ്പ് തുറന്ന് ചാറ്റ് ടാബിലേക്ക് പോകുക.

∙ 'ഫേവറിറ്റുകൾ' ലിസ്റ്റിൽ ചേർക്കാൻ ആഗ്രഹിക്കുന്ന ചാറ്റ് സ്വൈപ്പ് ചെയ്യുക.

∙വലതുവശത്ത് പ്രത്യക്ഷപ്പെടുന്ന നക്ഷത്ര ഐക്കണിൽ ടാപ്പ് ചെയ്യുക.

∙ചാറ്റ് 'ഫേവറിറ്റുകൾ' ലിസ്റ്റിലേക്ക് ചേർക്കും.

'ഫേവറിറ്റുകൾ' ലിസ്റ്റ് ആക്സസ് ചെയ്യുന്നതിന്:

∙ആൻഡ്രോയിഡ് ഫോണിൽ: വാട്സ്ആപ്പ് തുറന്ന് ചാറ്റ് ടാബിലേക്ക് പോകുക. സ്റ്റാഎന്ന ടാബ് തിരഞ്ഞെടുക്കുക.

∙​ഐഫോണിൽ: വാട്സാപ്പ് തുറന്ന്ചാറ്റ് ടാബിലേക്ക് പോകുക. മുകളിൽ സ്ഥിതി ചെയ്യുന്ന " സ്റ്റാർ ചെയ്തവ " ഐക്കണിൽ ടാപ്പ് ചെയ്യുക.

വേഗത്തില്‍ തിരഞ്ഞെടുക്കാൻ

•നിങ്ങൾക്ക് ഒന്നിലധികം ചാറ്റുകൾ ഒരേസമയം 'ഫേവറിറ്റുകൾ' ലിസ്റ്റിൽ ചേർക്കാൻ കഴിയും.

•നിങ്ങൾക്ക് 'ഫേവറിറ്റുകൾ' ലിസ്റ്റിൽ നിന്ന് ചാറ്റുകൾ നീക്കം ചെയ്യാം.

•'ഫേവറിറ്റുകൾ' ലിസ്റ്റിൽ ചേർക്കുന്നത് ചാറ്റ് ടോപ്പ് ലിസ്റ്റിൽ മുകളിലേക്ക് നീക്കില്ല.