ചൊവ്വയും വ്യാഴവും അടുത്തടുത്ത്; ഒരു ഗ്രഹ സമാഗമം

സൗരയൂഥത്തിലെ ഏറ്റവും വലിയ ഗ്രഹമായ വ്യാഴവും വ്യാഴവും ചെമ്പൻ ഗ്രഹമായ ചൊവ്വയും ഭൂമിയിൽ നിന്നുള്ള കാഴ്ചയിൽ ഈ ദശകത്തിലെ ഏറ്റവും സമീപത്തേക്കു നീങ്ങുകയാണ്.കിഴക്കൻ മാനത്ത് ഈ ഗ്രഹങ്ങൾ തൊട്ടുരുമ്മിയെന്നോണംകാണാം. ഇക്കാലത്ത് പാതിരാവിനോടടുപ്പിച്ച് കിഴക്കൻ മാനത്തുദിച്ചുയരുന്ന ഈ ഗ്രഹങ്ങൾ പുലർച്ചെ 3-4 മണിക്ക് നമുക്ക് കാണത്തക്ക ഉയരത്തിൽ എത്തും. 

വ്യാഴം അതിന്റെ തിളക്കം കൊണ്ടും ചൊവ്വ അതിന്റെ സവിശേഷമായ ചെമപ്പ് നിറം കൊണ്ടും എളുപ്പം തിരിച്ചറിയാം.എല്ലാ 26-27 മാസത്തിലും ഈ ഗ്രഹങ്ങൾ അടുത്തടുത്തായി കാണപ്പെടുമെങ്കിലും ഇത്ര കൂടിയ അടുപ്പം ഇനി 2033 ഡിസംബറിൽ അരങ്ങേറും തൊട്ടയലത്തായി ഓറഞ്ച് നിറമുള്ള രോഹിണി (ആൾഡി ബാറൻ) നക്ഷത്രത്തേയും അൽപ്പം താഴെ തെക്കുകിഴക്കായി വേട്ടക്കാരൻ(ഓറിയോൺ) നക്ഷത്രഗണത്തേയും കാണാം.വാനകുതുകികളുടെ അഭിപ്രായത്തിൽ ഈ വർഷത്തെ ഏറ്റവും മനോഹരമായ ഗ്രഹസംഗമം ആയിരിക്കും ഇത്.

തയാറാക്കിയത്: സുരേന്ദ്രൻ പുന്നശ്ശേരി(അമച്വർ വാനനിരീക്ഷകൻ /അസ്ട്രോ കോളമിസ്റ്റ്)