ഇലോൺ മസ്കിന്റെ സ്പേസ് എക്സിലേറി ഐഎസ്ആർഒയുടെ ജിസാറ്റ് 20; വിക്ഷേപണം വിജയം

ഐഎസ്ആർഒ വികസിപ്പിച്ച ഏറ്റവും പുതിയ വാർത്താ വിനിമയ ഉപഗ്രഹത്തിന്റെ വിക്ഷേപണം വിജയം. ഇലോൺ മസ്‌കിന്റെ സ്‌പേസ് എക്‌സ് കമ്പനിയാണ് കനാവറൽ സ്‌പേസ് ഫോഴ്‌സ് സ്റ്റേഷനിൽ നിന്ന് ഫാൽക്കൺ റോക്കറ്റിൽ ഐഎസ്ആർഒയുടെ ജിസാറ്റ്-എൻ2 വിക്ഷേപിച്ചത്. ബ്രോഡ്ബാൻഡ് സേവനങ്ങളും ഇൻ ഫ്ലൈറ്റ് കണക്റ്റിവിറ്റിയും വർദ്ധിപ്പിക്കുന്നതിനായാണ് സ്‌പേസ് എക്‌സും ഇന്ത്യയുടെ ബഹിരാകാശ ഏജൻസിയും തമ്മിലുള്ള ഈ ആദ്യ സഹകരണം.

4.700 കിലോയാണ്‌ ഉപഗ്രഹത്തിന്റെ ഭാരം. ഐഎസ്ആർഒയുടെ വാണിജ്യ വിഭാഗമായ ന്യൂ സ്പേസ് ഇന്ത്യ ലിമിറ്റഡും (എൻഎസ്ഐഎൽ) സ്‌പേസ് എക്‌സും തമ്മിലുള്ള കരാറിന്റെ ഭാഗമാണ് ജിസാറ്റ്-എൻ2 വിക്ഷേപണം. വിക്ഷേപണത്തിനുശേഷം ഏകദേശം 30 മിനിറ്റുകൾക്ക് ശേഷം, ഐഎസ്ആർഒയുടെ മാസ്റ്റർ കൺട്രോൾ ഫെസിലിറ്റി ഉപഗ്രഹത്തിന്റെ നിയന്ത്രണം ഏറ്റെടുത്തു. 

ഫ്ലോറിഡയിലെ കേപ് കനാവറൽ സ്‌പേസ് ലോഞ്ച് കോംപ്ലക്‌സ് 40 (എസ്എൽസി-40) വിക്ഷേപണത്തറയില്‍നിന്നും 12.01 ന് (ഇന്ത്യൻ സ്റ്റാൻഡേർഡ് സമയം) ഉയർത്തിയ ശേഷം, ഫാൽക്കൺ-9 ജിസാറ്റ്-എൻ 2 നെ ജിയോസിൻക്രണസ് ട്രാൻസ്ഫർ ഭ്രമണപഥത്തിൽ എത്തിച്ചു. 27,000 കിലോമീറ്റര്‍ ഉയരത്തിലുള്ള ഭ്രമണപഥത്തിലെത്താന്‍ എട്ടുമിനിട്ടുകള്‍ മാത്രമാണ് വേണ്ടി വന്നത്. ആൻഡമാൻ നിക്കോബാർ, ലക്ഷദ്വീപ് ദ്വീപുകൾ എന്നിവയുൾപ്പെടെ പാൻ-ഇന്ത്യ കവറേജുള്ള 32 ബീമുകളുള്ള Ka-Ka  ബാൻഡ് എച്ച്ടിഎസ് ശേഷിയാണ് ഉപഗ്രഹത്തിനുള്ളത്.

വിശദാംശങ്ങൾ

വിക്ഷേപണ വാഹനം: സ്പേസ് എക്സ് ഫാൽക്കൺ9( SpaceX Falcon)

വിക്ഷേപണ സ്ഥലം:  സ്‌പേസ് എക്‌സ് കനാവറൽ സ്‌പേസ് ഫോഴ്‌സ് സ്റ്റേഷൻ, Florida, USA

വിക്ഷേപണ സമയം: November 18, 2024, 12:01 AM EST

പേലോഡ്: GSAT-N2 (Geostationary Satellite-N2)

ഉദ്ദേശം:ആധുനിക വാർത്തവിനിമയ ഉപഗ്രഹം

ഭാരം:  4,700 kg

കാലാവധി: 14 years

∙ആദ്യമായാണ് ഇന്ത്യ വിക്ഷേപണത്തിനായി സ്വകാര്യ അമേരിക്കന്‍ കമ്പനിയുടെ റോക്കറ്റ് ഉപേക്ഷിക്കുന്നത്.

∙ ഇലോൺ മസ്‌കിൻ്റെ സ്‌പേസ് എക്‌സുമായുള്ള ഇന്ത്യയുടെ ആദ്യ സഹകരണമാണിത്.