കോവിഡ് കഴിഞ്ഞുള്ള കേരളം; ഒരുമിച്ചാലോചിക്കാം; വെബ് ചർച്ചാ പരമ്പര

കോവിഡിനെതിരെ ശക്തമായ പ്രതിരോധവുമായി കേരളം രാജ്യാന്തര പ്രശസ്തി നേടി. പക്ഷേ, രോഗം സൃഷ്ടിച്ച സാമ്പത്തികപ്രതിസന്ധി കനത്ത വെല്ലുവിളിയാണ്. ഈ വിഷമസന്ധിയിൽ നിന്നു കരകയറാനുള്ള വഴികളെന്ത്? ആഗോള മാറ്റങ്ങൾ നമുക്ക് അനുകൂലമാക്കി എങ്ങനെ മുന്നോട്ടുപോകാം ? മാറിയ സാഹചര്യങ്ങളിൽ സംസ്ഥാന വികസനത്തിനു വഴിതേടി മലയാള മനോരമ 3 ദിവസത്തെ വെബിനാർ നടത്തുന്നു. പ്രമുഖ ധനകാര്യസ്ഥാപനമായ കൊശമറ്റം ഫിനാ‍ൻസ് ലിമിറ്റഡ് ആണു മുഖ്യപ്രായോജകർ.

പുതുചിന്തകളും ആശയങ്ങളും കൊണ്ടു ശ്രദ്ധേയമുദ്ര പതിപ്പിച്ചവർ, വിദേശത്തും ഇന്ത്യയിലും വിജയക്കൊടി നാട്ടിയ മലയാളി സംരംഭകർ തുടങ്ങിയവർ ഈ ഇന്റർനെറ്റ് ചർച്ചയിൽ പങ്കെടുക്കും.

ഇന്ന് (ഉച്ചകഴിഞ്ഞ് 3.00– 5.00), വ്യാഴം (രാവിലെ 10– 12.00), വെള്ളി (രാവിലെ 10– 12.00) ദിവസങ്ങളിലെ ചർ‌ച്ച കാണാനും ഇതിനുവേണ്ട ചോദ്യങ്ങൾ അയയ്ക്കാനും വായനക്കാർക്കു സൗകര്യമുണ്ട്. റജിസ്ട്രേഷന് 85890 05678 എന്ന നമ്പറിൽ മിസ്ഡ് കോൾ അടിക്കുക.

English Summary: Webinar on Kerala after covid 19