മിക്കവരും അന്വേഷിച്ചത് ഈ വിവരങ്ങളും ആ ഫോട്ടോയുമായിരുന്നു... ഹർനാസ് സന്ധുവിനെക്കുറിച്ച് ലോകം തിരഞ്ഞതെന്ത്?

2021ലെ വിശ്വസുന്ദരി പട്ടം ഇന്ത്യയുടെ ഹർനാസ് സന്ധു സ്വന്തമാക്കിയപ്പോൾ ലോകം ഒന്നടങ്കം അവരുടെ കൂടുതൽ വിവരങ്ങൾക്കായി ഓൺലൈനിലേക്ക് ഓടുകയായിരുന്നു. ഇൻസ്റ്റഗ്രാം, ട്വിറ്റർ, ഫെയ്സ്ബുക്, വയസ്സ്, ജാതി, മതം, ബിക്കിനി അങ്ങനെ പോകുന്നു വിവിധ രാജ്യങ്ങളിൽ നിന്ന് ഹർനാസ് സന്ധുവിനെക്കുറിച്ച് അന്വേഷിച്ചത്. പഞ്ചാബിലെ ചണ്ഡീഗഡ് സ്വദേശിയും ഇരുപത്തിയൊന്നുകാരിയുമായ ഹർനാസ് പരാഗ്വെ, ദക്ഷിണാഫ്രിക്ക എന്നിവിടങ്ങളിൽ നിന്നുള്ള സുന്ദരിമാരെയാണ് ഫൈനൽ റൗണ്ടിൽ  പിന്തളളിയത്.

ഹർനാസിനെക്കുറിച്ച് ഏറ്റവും കൂടുതൽ പേർ അന്വേഷിച്ചത് അവരുടെ വയസ്സ് തന്നെയാണ്. ഇന്ത്യ, കാനഡ രാജ്യങ്ങളിൽ നിന്നാണ് ഹർനാസിന്റെ പ്രായം അന്വേഷിച്ച് ഗൂഗിളിനെ സമീപിച്ചത്. എന്നാൽ ഹർനാസിന്റെ സമൂഹ മാധ്യമ അക്കൗണ്ടുകൾ അന്വേഷിക്കുന്നവരായിരുന്നു കൂടുതൽ പേരും. ഹർനാസിന്റെ കൂടുതൽ ചിത്രങ്ങളും വിഡിയോയും വ്യക്തി വിവരങ്ങളും സമൂഹ മാധ്യമങ്ങളിൽ നിന്നും ലഭിക്കുമെന്നതിനാലാകാം ഇത്തരമൊരു സേർച്ചിങ് നടന്നത്. യുഎസ്, കാനഡ, യുഎഇ രാജ്യങ്ങളിൽ നിന്നുള്ളവരാണ് ഹർനാസിന്റെ ഇൻസ്റ്റഗ്രാം അക്കൗണ്ട് അന്വേഷിച്ചത്.

അതേസമയം, ഹർനാസിന്റെ ബിക്കിനി ചിത്രങ്ങൾ അന്വേഷിച്ചവരും കുറവല്ല. പാക്കിസ്ഥാൻ, ഇന്ത്യ രാജ്യങ്ങളിൽ നിന്നുള്ളവരാണ് പ്രധാനമായും ഹർനാസിന്റെ ബിക്കിനി ഏറ്റവും കൂടുതൽ അന്വേഷിച്ചത്. ഹർനാസിന്റെ പൊക്കം, വിക്കി പേജ് എന്നിവയെല്ലാം അന്വേഷിക്കുന്നവരും കുറവല്ല. എന്നാൽ, സമൂഹ മാധ്യമങ്ങളിൽ അത്ര സജീവമായ താരമല്ല ഹർനാസ് എന്നാണ് വിവിധ പേജുകളും അക്കൗണ്ടുകളും പരിശോധിക്കുമ്പോൾ മനസ്സിലാകുന്നത്.

English Summary: Arnaaz Sandhu miss universe-2021 - Google Trending