നമ്മളിതിലില്ല കണ്ടാൽ മതിയെന്നു ബിജെപിയോട് ട്രോളൻമാർ; പുതുപ്പള്ളി തിരഞ്ഞെടുപ്പ് ഫലം ട്രോളിൽ!

പുതുപ്പള്ളി നിയമസഭാ മണ്ഡലത്തിലേക്കുള്ള ഉപതിരഞ്ഞെടുപ്പിന്റെ ഫലങ്ങൾ പുറത്തുവരുമ്പോൾ നിർണായകമായ തിരഞ്ഞെടുപ്പ് നിമിഷങ്ങൾ ട്രോളാക്കി മാറ്റി ട്രോളൻമാർ. ഉമ്മൻ ചാണ്ടി മുഖ്യചർച്ചാവിഷയമായ പുതുപ്പള്ളി ഉപതിരഞ്ഞെടുപ്പിൽ വികസനവും വിവാദങ്ങളും ഒപ്പം ഉയർന്നിരുന്നു.

മുൻമുഖ്യമന്ത്രിയുടെ മരണത്തെത്തുടർന്ന് അദ്ദേഹത്തിന്റെ മകൻ സ്ഥാനാർഥിയായി എന്ന അപൂർവതയ്ക്കും പുതുപ്പള്ളി സാക്ഷ്യം വഹിച്ചു.2 തവണ അച്ഛനോടു മത്സരിച്ച ശേഷം മകനോടു ജെയ്ക് മത്സരിക്കുന്നു എന്ന പ്രത്യേകതയുണ്ടായിരുന്നു. ഏതൊരു തിരഞ്ഞെടുപ്പിനെയും പോലെ സന്ദേശത്തിലെയും ഒപ്പം അയ്യപ്പനും കോശിയിലെയും ചിത്രങ്ങളാണ് ട്രോളിന്റെ പിന്നണിയിലുണ്ടായിരുന്നത്.