ആപ്പിളിന്റെ പുതിയ വിസ്മയങ്ങൾക്ക് സമയമായി; Apple 'Let Loose' ഇവന്റ് കാണാം
Mail This Article
ഐപാഡുകളുൾപ്പടെയുള്ള പുതിയ ഉപകരണങ്ങൾ അവതരിപ്പിക്കുന്നതിനായി ആപ്പിൾ അതിന്റെ ലെറ്റ് ലൂസ് ഇവന്റ് ഉടൻ അരങ്ങേറും. കിംവദന്തികൾ ശരിയാണെങ്കിൽ ഒരു പുതിയ എം4 ചിപ്പും എഐ സംവിധാനങ്ങളുടെയും അവതരണം ഉണ്ടായേക്കും. എൻട്രി ലെവൽ 9th Gen ഐപാഡ് മുതൽ എം2 പവർ 12.9 ഇഞ്ച് iPad Pro വരെയുള്ള ജനപ്രിയ മോഡലുകൾ നിലവിൽ ആപ്പിൾ ഇന്ത്യൻ വിപണിയിൽ വിൽക്കുന്നുണ്ട്.
ഇവന്റിൽ, ആപ്പിൾ പെൻസിലിന്റെ മൂന്നാം പതിപ്പിനൊപ്പം ഐപാഡ് പ്രോയ്‌ക്കായി ഒരു പുതിയ മാജിക് കീബോർഡ് പ്രദർശിപ്പിക്കുമെന്ന് പ്രതീക്ഷിക്കുന്നു, അത് പെൻസിൽ പ്രോ എന്ന് വിളിക്കപ്പെടാൻ സാധ്യതയുണ്ട്. പുതിയ സെറ്റ് ആക്‌സസറികൾ ഉപയോഗിച്ച്, ആപ്പിൾ ഐപാഡിന്റെ പ്രവർത്തനക്ഷമത വർദ്ധിപ്പിക്കുമെന്ന് പ്രതീക്ഷിക്കുന്നു,പുതിയ മാജിക് കീബോർഡ് പ്രോ അലൂമിനിയം ബിൽഡും വലിയ ട്രാക്ക്പാഡുമായി വരാൻ സാധ്യതയുണ്ട്.
ആപ്പിൾ ലെറ്റ് ലൂസ് ഇവന്റ് കാണാൻ
ആപ്പിളിന്റെ ലെറ്റ് ലൂസ് ഇവന്റ് പസഫിക് സമയം രാവിലെ 7 മണിക്ക് (ഇന്ത്യൻ സമയം 7:30 PM) ആരംഭിക്കും. ആപ്പിളിന്റെ ഔദ്യോഗിക യൂട്യൂബ് ചാനലിലും ആപ്പിൾ ടിവിയിലും തത്സമയം സംപ്രേക്ഷണം ചെയ്യും.
ലീക്കുകൾ
ബ്ലൂംബെർഗിന്റെ മാർക്ക് ഗുർൻമാൻ പറയുന്നതനുസരിച്ച്, ആപ്പിൾ ആദ്യമായി ഐപാഡ് പ്രോ ശ്രേണിയിലേക്ക് M4 ചിപ്‌സെറ്റ് അവതരിപ്പിക്കും. പുതിയ M4 ചിപ്‌സെറ്റിലെ ന്യൂറൽ എഞ്ചിൻ ഐപാഡ് പ്രോ ശ്രേണിയിലെ ചില എഐ കഴിവുകൾ അൺലോക്ക് ചെയ്യാൻ ആപ്പിളിനെ അനുവദിക്കുമെന്ന് ഗുർൻമാൻ വ്യക്തമാക്കിയിരുന്നു. അതേസമയം, ഐപാഡ് പ്രോയിൽ ആദ്യമായി ഒഎൽഇഡി ഡിസ്‌പ്ലേയും അവതരിപ്പിക്കും.