ഗൂഗിൾ സെർ‍ച്ചിൽ ട്രെന്‍ഡിങായി പാസ്പോർട് സേവ; പോർട്ടലിനെന്ത് സംഭവിച്ചു!

പാസ്പോർട് സേവാ പോർട്ടലിലെ സേവനങ്ങൾ നവീകരണങ്ങളുടെ ഭാഗമായി 2024 ഓഗസ്റ്റ് 29 മുതൽ 2024 സെപ്റ്റംബർ 2വരെയുള്ള കാലയളവിൽ ലഭ്യമായേക്കില്ലെന്നായിരുന്ന വിവരം മുൻപ് റിപ്പോർട്ട് ചെയ്തിരുന്നു. ഈ കാലയളവിൽ ഷെഡ്യൂൾ ചെയ്തിരുന്ന അഭിമുഖങ്ങളെല്ലാം മാറ്റിവച്ചിരുന്നു. അതേസമയം വെബ്​സൈറ്റ് ഓഫ്​ലൈനായി പോയതിന് ശേഷം പാസ്പോർട് സേവയെന്ന വാക്ക് ഗൂഗിളിൽ വലിയ തിരച്ചിലിനു കാരണമായി.

ഗൂഗിൾ ട്രെൻഡ്സ് അനുസരിച്ച്, ചൊവ്വാഴ്ച രാവിലെ വെറും 4 മണിക്കൂറിനുള്ളിൽ 75 ശതമാനം വർധനയോടെ 20,000-ലധികം തിരയലുകൾക്ക് ഈ വിഷയം സാക്ഷ്യം വഹിച്ചു. പാസ്‌പോർട്ട് സേവാ പോർട്ടൽ ഷെഡ്യൂളിന് മുമ്പേ വീണ്ടും ഓൺലൈനായി. 2024 സെപ്റ്റംബർ 1ന് വൈകുന്നേരം 7:00 പിഎംന് സിസ്റ്റം പുനഃസ്ഥാപിച്ചതായി വിദേശകാര്യ മന്ത്രാലയം അറിയിച്ചു. അതേസമയം അറ്റകുറ്റപ്പണികൾ നേരത്തെ പൂർത്തിയാക്കിയെങ്കിലും, നിരവധി ഉപയോക്താക്കൾ പോർട്ടലിന്റെ പ്രവർത്തനത്തിൽ പ്രശ്നങ്ങൾ റിപ്പോർട്ട് ചെയ്യുന്നുണ്ട്.

2024 ഓഗസ്റ്റ് 30-ന് ഷെഡ്യൂൾ ചെയ്‌ത അപ്പോയിന്റ്മെന്റുകള്ഡ വീണ്ടും ഷെഡ്യൂൾ ചെയ്യുമെന്നാണ് വിവരം. പുതിയ നിയമന തീയതികളും സമയവും അപേക്ഷകർക്ക് അറിയിക്കുമെന്ന് മന്ത്രാലയം ഉറപ്പ് നൽകിയിട്ടുണ്ട്.