ഈ ഡിവൈസുകളിൽ ഇനി നെറ്റ്​ഫ്ലിക്സ് ലഭിക്കില്ല; ഏതൊക്കെയെന്ന് പരിശോധിക്കാം

പ്രശസ്ത വിഡിയോ സ്ട്രീമിങ് പ്ലാറ്റ്ഫോമായ നെറ്റ്ഫ്ലിക്്സ് ഇപ്പോഴിതാ ഒരു പ്രഖ്യാപനം നടത്തിയിരിക്കുന്നു. ഐഒഎസ് 16, ഐപാഡ് ഒഎസ് 16 എന്നിവയുള്ള ആപ്പിൾ ഉപകരണങ്ങളി‍ൽ ഇനി കാലക്രമേണ നെറ്റ്​ഫ്ലിക്സ് ലഭ്യമാകുകയില്ല.പഴയ ഐഫോണുകളിൽ ആപ് എടുക്കാൻ നോക്കുന്നവർക്ക് പുതിയ നെറ്റ്ഫ്ലിക്സ് ആപ് ലഭ്യമാണെന്നും ഐഒഎസ് 17 അല്ലെങ്കിൽ അതിനുശേഷമുള്ള ഐഒഎസ് എത്രയും വേഗം ഇൻസ്റ്റാൾ ചെയ്യൂവെന്നുള്ള സന്ദേശമാണ് ലഭിക്കുന്നത്.

തൽക്കാലം  IOS 16ൽ കുടുങ്ങിയ ഉപയോക്താക്കൾക്ക് മുന്നറിയിപ്പ് അവഗണിച്ച് ആപ്പ് ഉപയോഗിക്കുന്നത് കുറച്ചുകാലം കൂടി തുടരാം, എന്നാൽ അവർക്ക് ബഗ് ഫിക്സോ പുതിയ ഫീച്ചറുകളോ സുരക്ഷാ അപ്‌ഡേറ്റുകളോ ലഭിക്കില്ല. ഭാവിയിൽ ചില ഘട്ടങ്ങളിൽ, ആപ് പ്രവർത്തിക്കുന്നത് നിൽക്കും, എന്നാൽ അത് എപ്പോൾ സംഭവിക്കുമെന്ന് ആപ്പിളോ നെറ്റ്ഫ്ലിക്സോ വ്യക്തമാക്കിയിട്ടില്ല.

ഏത് ആപ്പിൾ ഉപകരണങ്ങളെയാണ് ഇത് ബാധിക്കുന്നത്?

ഹാർഡ്‌വെയർ പരിമിതികൾ കാരണം ചില ഉപകരണങ്ങൾക്ക് iOS 17 അപ്‌ഡേറ്റ് ലഭിക്കില്ലെന്ന് ആപ്പിൾ നേരത്തെ വ്യക്തമാക്കിയിരുന്നു. ഇപ്പോഴും iOS 16-ൽ പ്രവർത്തിക്കുന്ന ഉപകരണങ്ങളുടെ പട്ടികയിൽ iPhone 8 , iPhone 8 Plus , iPhone X , iPad 5th Gen, iPad Pro 1st Gen എന്നിവ ുഉൾപ്പെടുന്നു.

എന്തിനാണ് ഈ പ്രഖ്യാപനം

ഒപ്റ്റിമൽ പ്രകടനവും ഉപയോക്തൃ അനുഭവവും നൽകുന്നതിന് സ്ട്രീമിംഗ് പ്ലാറ്റ്‌ഫോം ഏറ്റവും പുതിയ സാങ്കേതികവിദ്യകളോടും ഓപ്പറേറ്റിങ് സിസ്റ്റം അപ്‌ഡേറ്റുകളോടും തുടർച്ചയായി പൊരുത്തപ്പെടേണ്ടതുണ്ട്. ആധുനിക സ്ട്രീമി സേങ്വനങ്ങളെ പിന്തുണയ്ക്കുന്നതിന് പഴയ ഓപ്പറേറ്റിംഗ് സിസ്റ്റങ്ങൾക്ക് ആവശ്യമായ സവിശേഷതകളോ സുരക്ഷാ പ്രോട്ടോക്കോളുകളോ ഇല്ല.